ଭୁବନେଶ୍ବର: ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ ପ୍ରମୁଖ ଶାସନ ସଚିବ ଜି ମାଥିଭାଥନନ ଆଜି ଜିଲ୍ଲା ସହରାଞ୍ଚଳ ଉନ୍ନୟନ ସଂସ୍ଥାର ନବ ନିଯୁକ୍ତ ପ୍ରକଳ୍ପ ନିର୍ଦ୍ଦେଶକ ଏବଂ କାର୍ଯ୍ୟନିର୍ବାହୀ ଅଧିକାରୀଙ୍କୁ ଏକ ସମାବେଶୀ ଓ ସଶକ୍ତ ସ୍ବପ୍ନ ସାକାର କରିବା ପାଇଁ ପରାମର୍ଶ ଦେଇଛନ୍ତି । ଓଡ଼ିଶା ଅର୍ବାନ ଏକାଡେମୀରେ ନବନିଯୁକ୍ତ ପିଡି ଓ ଇଓଙ୍କ ଦୁଇଦିନିଆ ଓରିଏଣ୍ଟେସନ କାର୍ଯ୍ୟକ୍ରମରେ ଯୋଗଦେଇ ମାଥିଭାଥନନ ଏହା କହିଛନ୍ତି ।
ଅଧିକାରୀମାନଙ୍କୁ ସ୍ବାଗତ କରି ମାଥିଭାଥାନନ କହିଛନ୍ତି ଯେ, ଆପଣଙ୍କ ଯାତ୍ରା ଆରମ୍ଭ ହୋଇଛି । କଠିନ ପରିଶ୍ରମ କରନ୍ତୁ । ପ୍ରତିଶ୍ରୁତିବଦ୍ଧ ରୁହନ୍ତୁ । ଆପଣମାନେ ସମସ୍ତେ ଏବେ ଆମର ସାମୂହିକ ସ୍ବପ୍ନକୁ ସାକାର କରିବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବାକୁ ଯାଉଛନ୍ତି । ମୁଁ ତୁମ ଠାରୁ ସର୍ବଶ୍ରେଷ୍ଠ ପ୍ରଦର୍ଶନ ଆଶା କରୁଛି । ଗଣତାନ୍ତ୍ରିକ ବ୍ୟବସ୍ଥାର କେନ୍ଦ୍ରରେ ଜନତା ଅଛନ୍ତି । ଆପଣମାନଙ୍କର ପ୍ରତ୍ୟେକ ଚିନ୍ତାଧାରା ଓ ପ୍ରତ୍ୟେକ କାର୍ଯ୍ୟ ଓଡ଼ିଶାବାସୀଙ୍କ ଉନ୍ନତି ଓ କଲ୍ୟାଣ ଦିଗରେ ଉଦ୍ଦିଷ୍ଟ ହେବା ଦରକାର । ଆପଣମାନେ କେବଳ ସରକାରୀ କର୍ମଚାରୀ ନୁହଁନ୍ତି, ଆପଣ ଏକ ନୂତନ ଓଡ଼ିଶା, ଏକ ସଶକ୍ତ ଓଡ଼ିଶା ପାଇଁ ପରିବର୍ତ୍ତନର ଏଜେଣ୍ଟ । ଆପଣମାନେ ହିଁ ଆମ ଓଡ଼ିଶାର ସ୍ବପ୍ନର ପ୍ରକୃତ ସ୍ଥାପକ ହେବେ ବୋଲି ଯୋଗ ଦେଇଥିବା ବ୍ୟକ୍ତି ବିଶେଷଙ୍କୁ କହିଛନ୍ତି ।
ଅଧିକ ପଢନ୍ତୁ- ୨୫ ପୌରସଂସ୍ଥାରେ କାର୍ଯ୍ୟକାରୀ ହେବ ମୁକ୍ତା ସଫ୍ଟ ୧.୦
୫ଟି ନୀତି ଏବଂ ମୋ ସରକାର ବିଷୟରେ ଆଲୋଚନା କରି ସେ କହିଛନ୍ତି ଯେ, ଏହା ଜନସାଧାରଣ ଏବଂ ସରକାରଙ୍କ ମଧ୍ୟରେ ବ୍ୟବଧାନ ହ୍ରାସ, ଦକ୍ଷତାରେ ଉନ୍ନତି ଆଣିବା ଏବଂ ବ୍ୟବସ୍ଥାରେ ସ୍ବଚ୍ଛତା ବୃଦ୍ଧି କରିବାରେ ସଫଳ ହୋଇଛି । ଏବେ ୫ଟି ନୀତି ଆଧାର ରୂପାନ୍ତରଣ ଓଡ଼ିଶା ପାଇଁ ଲଞ୍ଚ ପ୍ୟାଡ ପାଲଟିଛି । ନବ ନିଯୁକ୍ତ ଅଧିକାରୀମାନେ ଏହି ମେଗା ରୂପାନ୍ତରଣ ପ୍ରକ୍ରିୟାରେ ସାମିଲ ହେବାର ସୁଯୋଗ ପାଇଛନ୍ତି । ନିଷ୍ଠା ଓ କଠିନ ପରିଶ୍ରମ ଦ୍ବାରା ପରିବର୍ତ୍ତିତ ଓଡ଼ିଶାର ସ୍ୱପ୍ନ ସାକାର ହେବ । ଓଡ଼ିଶାର ସେବା କରିବାର ସୁଯୋଗ ମିଳିବା ନିଶ୍ଚିତ ଭାବେ ଏକ ବଡ଼ ସୌଭାଗ୍ୟ । ନୂଆ ଅଫିସରମାନେ ସ୍ବଚ୍ଛତା ଓ ଉତ୍ତରଦାୟିତ୍ବ ସହ ମୁଖ୍ୟମନ୍ତ୍ରୀଙ୍କ ସ୍ବପ୍ନ ପୂରଣ ପାଇଁ କାମ କରିବେ ବୋଲି ସେ ଆଶା ବ୍ୟକ୍ତ କରିଛନ୍ତି ।
ବିଭିନ୍ନ ଯୋଜନା, କାର୍ଯ୍ୟକ୍ରମ, ଏସଓପି, ମାର୍ଗଦର୍ଶିକା ଏବଂ ପରାମର୍ଶ ଉପରେ ନୂତନ ଭାବେ ଯୋଗ ଦେଇଥିବା ଅଧିକାରୀମାନଙ୍କୁ ଆକୃଷ୍ଟ କରି ସେମାନଙ୍କ ଦକ୍ଷତା ବୃଦ୍ଧି କରି ପୌରାସଂସ୍ଥା ଗୁଡ଼ିକର ପରିଚାଳନାକୁ ସୁଦୃଢ଼ କରିବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ । ସେମାନଙ୍କୁ ପ୍ରମୁଖ ସହରାଞ୍ଚଳ ଏଜେଣ୍ଡାକୁ କାର୍ଯ୍ୟକାରୀ କରିବାରେ ସକ୍ଷମ କରିବା । ବିଭାଗର ବରିଷ୍ଠ ଅଧିକାରୀମାନେ ପ୍ରମୁଖ ସହରାଞ୍ଚଳ କାର୍ଯ୍ୟକ୍ରମ ସମ୍ପର୍କରେ ବିସ୍ତୃତ ଭାବେ ଅବଗତ କରାଇଛନ୍ତି । ବିକେନ୍ଦ୍ରୀକୃତ କଠିନ ଏବଂ ତରଳ ବର୍ଜ୍ୟବସ୍ତୁ ପରିଚାଳନା, ଜାଗା ମିଶନ, ମୁକ୍ତା, ଆମ ପୋଖରୀ ଜଳଭଣ୍ଡାର ପୁନରୁଦ୍ଧାର ଆଦି ପ୍ରମୁଖ କାର୍ଯ୍ୟକ୍ରମ ଉପରେ ଅଧିକାରୀଙ୍କୁ ଗୁରୁତ୍ବ ଦିଆଯାଇଛି । ଅନ୍ୟାନ୍ୟ ମନିଟରିଂ ହସ୍ତକ୍ଷେପ ଯଥା ସୁଜୋଗ, ମୋ ସାହାରା ସରକାର ଇତ୍ୟାଦି ଉପରେ ଅଧିକାରୀମାନେ ଧ୍ୟାନ ଦେଇଛନ୍ତି । ୩୦ଟି ପୌରସଂସ୍ଥାର ଇଓ, ୧୦ ଜଣ ପିଡି ଏଥିରେ ଯୋଗ ଦେଇଥିଲେ । ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର ବରିଷ୍ଠ ଅଧିକାରୀମାନେ ଯୋଗ ଦେଇ ନବନିଯୁକ୍ତ ପିଡି ଓ ଇଓମାନଙ୍କୁ ପରାମର୍ଶ ଦେଇଛନ୍ତି । ଓରିଏଣ୍ଟେସନ ବ୍ୟତୀତ ଅଂଶଗ୍ରହଣକାରୀମାନେ କ୍ଷେତ୍ର ପରିଦର୍ଶନରେ ଯାଇ ବିଭିନ୍ନ କାର୍ଯ୍ୟକ୍ରମର କାର୍ଯ୍ୟକାରିତା ସମ୍ପର୍କରେ ଅନୁଧ୍ୟାନ କରିବା ସହ ଅନୁଧ୍ୟାନ କରିବେ ।
ଇଟିଭି ଭାରତ, ଭୁବନେଶ୍ବର
