ଭୁବନେଶ୍ବର: କୋରୋନା ମହାମାରୀ ଅନେକଙ୍କ ସଂସାର ଛାରକାର କରିଦେଇଛି । ଅନେକଙ୍କ ଆର୍ଥିକ ମେରୁଦଣ୍ଡକୁ ଭାଙ୍ଗି ଦେଇଛି । ଏହା ପୂର୍ବରୁ ବେଶ ଭଲ କିଛି ରୋଜଗାର କରି ନିଜ ପରିବାର ପ୍ରତିପୋଷଣ କରୁଥିବା ଲୋକମାନେ ଜୀବିକା ହରାଇ ଏବେ ରାଜରାସ୍ତାକୁ ପଳାଇ ଆସିଥିବା ଦେଖିବାକୁ ମିଳିଛି । ଏମିତି କିଛି ଦେଖିବାକୁ ମିଳିଥିବା ରାଜଧାନୀ ଭୁବନେଶ୍ବରର ସ୍ଥାନୀୟ ଜିଡିପି କଲୋନୀରେ ରହୁଥିବା ମହିଳା ଜ୍ୟୋସ୍ନାରାଣୀ ମହାନ୍ତିଙ୍କ କ୍ଷେତ୍ର । କୋରୋନା ଜ୍ୟୋତ୍ସାଙ୍କୁ ଅନେକ ଯାତନା ଦେଇଥିଲା । ହେଲେ ଏହି ସମୟରେ ତାଙ୍କୁ ଭଗବାନ ପରି ସାହାଯ୍ୟର ହାତ ବଢ଼ାଇଥିଲେ ଓଲିଉଡର ସୁପ୍ରସିଦ୍ଧ ଅଭିନେତା ସବ୍ୟସାଚୀ ମିଶ୍ର ।
ସାମାଜିକ ଗଣମାଧ୍ୟମ ଓ ଗଣମାଧ୍ୟମରେ ତାଙ୍କ ସମ୍ବାଦ ପ୍ରକାଶ ହେବା ପରେ ଲୋକମାନେ ତାଙ୍କୁ ମୋବାଇଲରେ ଅର୍ଡର ଦେବା ସହିତ ତାଙ୍କ ନିକଟରୁ ଆସି ଖାଦ୍ୟ ନେଇ ଯାଉଥିବା ମଧ୍ୟ ସେ କହିଛନ୍ତି । ଏହା ଦ୍ୱାରା ସେ ଭଲ କିଛି ରୋଜଗାର କରିବା ସହିତ ଅନ୍ୟ ନିକଟରେ ହାତ ପତାଇବାକୁ ପଡୁନଥିବା କହିଛନ୍ତି । ସବ୍ୟସାଚୀଙ୍କ ଏହି ସାହାଯ୍ୟ ପାଇଁ ସେ ତାଙ୍କ ଅନେକ କୃତଜ୍ଞତା ଅର୍ପଣ କରିବା ସହ ତାଙ୍କ ନାଁ ଅନୁସାରେ ନିଜ କ୍ୟାଣ୍ଟିନର ନାଁ ସବ୍ୟସାଚୀ କ୍ୟାଣ୍ଟିନ ରଖିଥିବା କହିଛନ୍ତି । ଆଉ ସବ୍ୟ ତାଙ୍କ ପାଇଁ ନିଜ ଭାଇ ଠାରୁ ଅଧିକ ବୋଲି ସେ କୁହନ୍ତି ।
ଇତିମଧ୍ୟରେ ସବ୍ୟସାଚୀ ଅନେକ ଲୋକଙ୍କୁ ସାହାଯ୍ୟ କରି ଅନେକ ପ୍ରଶଂସା ସାଉଣ୍ଟିଛନ୍ତି । ଆଉ ଆଜି ସେ ନିଜ କାମ ପାଇଁ ବେଶ ଚର୍ଚ୍ଚାରେ ରହିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
