ଖୋର୍ଦ୍ଧା/ଭୁବନେଶ୍ବର: ଦିନକୁ ଦିନ ରାଜ୍ୟରେ ଦୁଷ୍କର୍ମର ଅଭିଯୋଗ ବୃଦ୍ଧି ପାଇବାରେ ଲାଗିଛି । ଖୋର୍ଦ୍ଧା ଅଞ୍ଚଳରେ ଜଣେ ମହିଳାଙ୍କୁ ଗତକାଲି ମୁର୍ମୁଷୁ ଅବସ୍ଥାରେ ଉଦ୍ଧାର କରାଯାଇଥିବାବେଳେ ଆଜି ଜଣେ ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ ପୋଲିସ । ପୀଡିତା ଏନେଇ ଖଣ୍ଡଗିରି ଥାନାରେ ମାମଲା ରୁଜୁ କରିଛନ୍ତି ।
ଦୁଷ୍କର୍ମ କରିଥିବା ଅଭିଯୁକ୍ତ ଗିରଫ ହେବା ପରେ ଟ୍ଵିଟି ଯୋଗେ ସୂଚନା ଦେଲେ ଭୁବନେଶ୍ବର ଡିସିପି ଅନୁପ ସାହୁ। ଖଣ୍ଡଗିରି ପୁଲିସ ଘଟଣାର ତଦନ୍ତ କରୁଛି। ଦୁଷ୍କର୍ମର ଶିକାର ହେଇଥିବା ଯୁବତୀ ଓ ଅଭିଯୁକ୍ତକୁ ବର୍ତ୍ତମାନ ପୋଲିସ ପଚରା ଉଚାର ଜାରିରଖିଛି ବୋଲି ଟ୍ବିଟ କରିଛନ୍ତି ଡିସିପି ।
ଗତକାଲି ସନ୍ଧ୍ୟାରେ ଜାତୀୟ ରାଜପଥ ନଂ16 କଡରୁ ଅର୍ଦ୍ଧନଗ୍ନ ମୁର୍ମୁଷୁ ଅବସ୍ଥାରେ ଯୁବତୀ ଉଦ୍ଧାର ହୋଇଥିଲା। ଯୁବତୀଙ୍କ ସହ ଦୁଷ୍କର୍ମ ହୋଇଥିବା ଯୁବତୀ ଲିଖିତ ଅଭିଯୋଗ କରିଛନ୍ତି । ଘଟଣା କମିଶନରେଟ ପୋଲିସର ଖଣ୍ଡଗିରି ଥାନା ଅଞ୍ଚଳରେ ଘଟିଥିବାରୁ ଖୋର୍ଦ୍ଧା ଏସପି ଘଟଣାର ତଦନ୍ତ ଖଣ୍ଡଗିରି ଥାନାକୁ ଦେଇଛନ୍ତି । ଆଜି ସକାଳୁ ନିଜେ ଏସପି ପୀଡ଼ିତାଙ୍କୁ ଡାକ୍ତରଖାନାରେ ଭେଟି ଅଧିକ ତଦନ୍ତ ଜାରି ରଖିଛନ୍ତି। ଅନ୍ୟପଟେ ଆଜି ପିଡୀତାଙ୍କ ଡାକ୍ତରୀ ମାଇନା କରାଯିବ ବୋଲି ସୂଚନା ମିଳିଛି । ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ଭୁବନେଶ୍ବର ଏବଂ ଖୋର୍ଦ୍ଧା ପୋଲିସ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।
ଭୁବନେଶ୍ବରରୁ ବିକାଶ ଦାସ ଓ ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
