ଖୋର୍ଦ୍ଧା: ଦାନା ମୁଠେ ପାଇଁ ପର ଦୁଆରେ ମୂଲ ଲାଗିବାକୁ ପଡେ । ଆଉ ନମିଳିଲେ ପରିବାର ଉପାସ । ତାରି ଭିତରେ ଦାଉ ସାଧିଛି ଲକଡାଉନ । ନା ମିଳୁଛି କାମ ନା ଖାଇବାକୁ ମୁଠେ ଦାନା । ଏହାରି ଭିତରେ ଦହଗଞ୍ଜ ହେଉଛନ୍ତି ଖୋର୍ଦ୍ଧା ଯଦୁନଗର ବାସୀ । ଇଟିଭି ଭାରତରେ ଏମାନଙ୍କ କାହାଣୀ ପ୍ରସାରଣ ପରେ ଏମାନଙ୍କୁ ସହାୟତାର ହାତ ବଢାଇଛି ନୂଆଦିଲ୍ଲୀ ସ୍ଥିତ 'ଆଶ୍ରା' ସ୍ବେଚ୍ଛାସେବୀ ସଂଗଠନ ।
ଇଟିଭି ଭାରତରେ ଖବର ପ୍ରସାରଣ, ସହାୟତାର ହାତ ବଢାଇଲା ସ୍ବେଚ୍ଛାସେବୀ ସଂଗଠନ
ଆଶ୍ରାର ସ୍ବେଚ୍ଛାସେବୀ ମହେଶ୍ୱର ନାୟକଙ୍କ ନେତୃତ୍ୱରେ ଏକ ଟିମ ଆସି ଯଦୁନଗର ବାସୀଙ୍କୁ ରାସନ ସାମଗ୍ରୀ ବଣ୍ଟନ କରିଛନ୍ତି । ଏପରି ସମୟରେ ଆଶ୍ରାର ଏଭଳି କାର୍ଯ୍ୟକୁ ସ୍ଥାନୀୟ ବାସୀ ବେଶ ପ୍ରସଂଶା କରିଛନ୍ତି । ସେହିପରି ଗାଁରେ ଥିବା ପାନୀୟ ଜଳ ସମସ୍ୟାକୁ ସମାଧାନ କରିବା ସହ ଲୋକମାନଙ୍କୁ ଆତ୍ମନିର୍ଭରଶୀଳ କରିବା ପାଇଁ କର୍ମସଂସ୍ଥାନ ଯୋଗାଇ ଦେବାକୁ 'ଆଶ୍ରା' ପ୍ରତିଶ୍ରୁତି ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
