ଭୁବନେଶ୍ବର: ବ୍ରିଜ ତଳୁ ଯୁବକଙ୍କ ମୃତଦେହ ଉଦ୍ଧାର । ଭୁବନେଶ୍ବର ଉପକଣ୍ଠ ଟଙ୍କପାଣି ବ୍ରିଜ ତଳୁ ଉଦ୍ଧାର ହୋଇଛି ଏହି ମୃତଦେହ। କିଛି ଦିନ ତଳେ ଏହି ସ୍ଥାନରୁ ଅନ୍ୟ ଏକ ମୃତଦେହ ଉଦ୍ଧାର ହୋଇଥିଲା । ଆଜି(ସୋମବାର) ପୁଣି ମୃତଦେହ ଉଦ୍ଧାର ହେବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ହୋଲି ଦିନ ପୂର୍ବରୁ ନିଖୋଜ ଥିବା ଏହି ବ୍ୟକ୍ତିଙ୍କ ମୃତଦେହକୁ ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ।
ଟଙ୍କପାଣି ବ୍ରିଜ ତଳୁ ମୃତଦେହ ଉଦ୍ଧାର, ହତ୍ୟା ସନ୍ଦେହ
ବରଗଡ ଥାନା ସୀମାନ୍ତ ଅଞ୍ଚଳରୁ ମୃତଦେହ ଠାବ ହୋଇଥିବାରୁ ବରଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି । ନିଖୋଜ ସମ୍ପର୍କରେ ପରିବାର ଲୋକେ ପୂର୍ବରୁ ଲିଖିତ ଭାବରେ ଥାନାରେ ଜଣାଇଥିଲେ । ମୃତ ଯୁବକଙ୍କ ଘର ବରଗଡ ଥାନା ମଇଁଷିଖାଲ ଅଞ୍ଚଳର ବୋଲି ପୋଲିସ ସୂତ୍ରରୁ ଜଣାଯାଇଛି । ତେବେ ଯୁବକଙ୍କ କିଭଳି ମୃତ୍ୟୁ ହୋଇଛି ସେ ସମ୍ପର୍କରେ ସ୍ପଷ୍ଟ ହୋଇପାରିନାହିଁ। ସେପଟେ ବ୍ୟବଚ୍ଛେଦ ପରେ କାରଣ ସ୍ପଷ୍ଟ ହେବ ବୋଲି କହିଛି ପୋଲିସ ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
