ଭୁବନେଶ୍ବର: ନନ୍ଦନକାନନର ପ୍ରାଣୀ ଉଦ୍ୟାନକୁ ଆସିଛନ୍ତି 2 ବିଦେଶୀ ମାଙ୍କଡ। ବିଦେଶୀ ପ୍ରଜାତିର ଗୋଟିଏ ଯୋଡା କୌତୁକୀୟା ମାଙ୍କଡ କାପୁଚିନ ଏବଂ ଅନ୍ୟଟି ଗୁଣ୍ଡୁଚିମୂଷା ମାଙ୍କଡ। ଚେନ୍ନାଇରେ ଥିବା ଏକ ପ୍ରତିଷ୍ଠିତ ପଶୁପାଳନ କେନ୍ଦ୍ର ଜୟ ଫାର୍ମାସୀରୁ ଏହି ନୂଆ ଅତିଥି ଆସିଛନ୍ତି ।
2 କାପୁଚିନ ମାଙ୍କଡଙ୍କ ବୟସ ୪ ରୁ ୫ ବର୍ଷ ହୋଇଥିବାବେଳେ ଗୁଣ୍ଡୁଚି ମୂଷା ମାଙ୍କଡର ବୟସ ୩ ରୁ ୪ ବର୍ଷ ହେବ । ତେବେ ପ୍ରାଣୀ ଉଦ୍ୟାନରେ ମାଙ୍କଡ ମାନେ ରହୁଥିବା ସ୍ଥାନ ଅର୍ଥାତ୍ ସିମ୍ପାଜି ଖୁଆଡ ନିକଟରେ ନିର୍ମାଣ ହୋଇଛି ଏକ ନୂଆ ଏନକ୍ଲୋଜୋର । ଆସନ୍ତା ୧୫ ଦିନ ଭିତରେ ଏହି ନୂଆ ଏନକ୍ଲୋଜୋରଟିର କାମ ସମ୍ପୂର୍ଣ୍ଣ ରୂପେ ସମାପ୍ତ ହୋଇଯିବ । ଏହା ପରେ ପର୍ଯ୍ୟଟକମାନେ ନୂଆ ପ୍ରଜାତିର ମାଙ୍କଡକୁ ଦେଖିପାରିବେ।
ତେବେ 2 ନୂଆ ଅତିଥିଙ୍କ ଆଗମନ ପରେ ନନ୍ଦନକାନନରେ ଜୀବଜନ୍ତୁ ପ୍ରଜାତିର ସଂଖ୍ୟା ୧୫୭କୁ ବୃଦ୍ଧି ପାଇଛି।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
