ଖୋର୍ଦ୍ଧା: ସଅର ଜାତିକୁ ଆଦିବାସୀ ମାନ୍ୟତା ଦେବାକୁ ଦୀର୍ଘ ଦିନରୁ ଦାବି ହୋଇ ଆସୁଛି । ଏଯାଏଁ ଏହି ସମ୍ପ୍ରଦାୟର ଦାବି ପୂରଣ ହୋଇ ପାରିନାହିଁ । ଏହାକୁ ନେଇ କେନ୍ଦ୍ର ଆଦିବାସୀ କଲ୍ୟାଣ ମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କୁ ଜଣାଇଛନ୍ତି ଏହି ସମ୍ପ୍ରଦାୟର ଲୋକେ । ଖୁବଶୀଘ୍ର ସଅର ଜାତିକୁ ଆଦିବାସୀ ମାନ୍ୟତା ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି କେନ୍ଦ୍ରମନ୍ତ୍ରୀ ।
ବୁଧବାର ଖୋର୍ଦ୍ଧା ଜିଲ୍ଲା ଗସ୍ତ କରିଥିଲେ କେନ୍ଦ୍ରମନ୍ତ୍ରୀ ବିଶ୍ବେଶ୍ବର ଟୁଡୁ । ଏହି ଅବସରରେ ସେ ଖୋର୍ଦ୍ଧା କଣ୍ଟାବାଡ଼ରେ ନୀଳମାଧଵ ଆଦିବାସୀ ସଂଘ ପକ୍ଷରୁ ଆୟୋଜିତ ଯୁବ ମହୋତ୍ସବରେ ଯୋଗ ଦେଇଥିଲେ । ସେହି ସମୟରେ ସଅର ସମ୍ପ୍ରଦାୟର ଲୋକେ କେନ୍ଦ୍ରମନ୍ତ୍ରୀ ବିଶ୍ବେଶ୍ବର ଟୁଡୁଙ୍କୁ ନିଜ ଦାବି ସମ୍ପର୍କରେ ଜଣାଇଛନ୍ତି । ଏହି ସମସ୍ୟା ଓଡ଼ିଶାର ନୁହଁ ବରଂ ଦେଶର ଅନେକ ରାଜ୍ୟରେ ରହିଥିବା କହିଛନ୍ତି ମନ୍ତ୍ରୀ ଏହି ଯୁବ ମହୋତ୍ସବରେ ଜଟଣୀ ବିଧାୟକ ସୁରେସ କୁମାର ରାଉତରାୟ, ବିଜେପି ନେତା ସୁଦୀପ୍ତ ରାୟଙ୍କ ସହ ରାଜ୍ୟର ବିଭିନ୍ନ ଅଞ୍ଚଳରୁ ଆସିଥିବା ଆଦିବାସୀମାନେ ଯୋଗଦେଇଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
