ଖୋର୍ଦ୍ଧା: କୋରୋନା ଭାଇରସ ସଂକ୍ରମଣରେ ରୋକ ଲଗାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ପୂର୍ଣ୍ଣ ଭାରତକୁ ୨୧ ଦିନିଆ ଲକଡାଉନ ଘୋଷଣା କରିଛନ୍ତି । ଏହି ଭୟଙ୍କର ମହାମାରୀର ମୁକାବିଲା ପାଇଁ କେନ୍ଦ୍ର ସରକାର ଠାରୁ ଆରମ୍ଭ କରି ରାଜ୍ୟ ସରକାର ପର୍ୟ୍ୟନ୍ତ ସମସ୍ତେ ତତ୍ପର । ଲକଡାଉନ କାରଣରୁ ସାରା ଦେଶ ବନ୍ଦ ଥିବାବେଳେ ରାସ୍ତା ଠାରୁ ଆରମ୍ଭ କରି ଗାଡି ମୋଟର ଓ ଦୋକାନ ବଜାର ହୋଟେଲ ସବୁ ବନ୍ଦ ରହିଛି । ଏଭଳି ପରିସ୍ଥିତିରେ ଖୋର୍ଦ୍ଧା ଜିଲ୍ଲା ମୁନିସପାଲଟି ଅଞ୍ଚଳର ଗରିବ ଅସହାୟ ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିଛନ୍ତି ଏସ୍ ଜିକେ ଫାଉଣ୍ଡେସନ ଓ ପିକକ ଅନୁଷ୍ଠାନ ।
ଏହି ମୁନିସପାଲଟି ଅଞ୍ଚଳର ଚାଚରା ଶବର ସାହି,ବଧାଶବର ସାହି, ତଳ ଶବର ସାହିର ଅଧିକାଂଶ ଲୋକ ଦିନ ମଜୁରିଆ ଭାବେ କାମ କରି ନିଜ ଗୁଜୁରାଣ ମେଣ୍ଟାଇଥାନ୍ତି । ତେବେ କୋରୋନା ପ୍ରଭାବରେ ସାରା ଦେଶରେ ତାଲା ପଡିଯାଇଥିବା ବେଳେ ଏହି ଗରିବ ଅସହାୟ ମାନଙ୍କୁ ସହାୟତାର ହାତ ବଢାଇଛି ଏହି ଦୁଇ ଅନୁଷ୍ଠାନ । ଏହି ସବୁ ଗାଁରେ ଉକ୍ତ ସଂଗଠନର କର୍ମକର୍ତ୍ତାମାନେ ପହଞ୍ଚି ଶୁଖିଲା ଖାଦ୍ୟ ବଣ୍ଟନ କରିବା ସହ ସବୁ ଗୋସରି ସାମଗ୍ରୀ ଦେଇଥିଲେ । ଏଥିରେ ସ୍ଥାନୀୟ ବାସିନ୍ଦା ଅନୁଷ୍ଠାନକୁ ଧନ୍ୟବାଦ ଜଣାଇ ନିଜର ଖୁସି ପ୍ରକଟ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
