ଖୋର୍ଦ୍ଧା: ଜିଲ୍ଲାରେ ସକ୍ରିୟ ବାଲି ଓ ମାଙ୍କଡା ପଥର ମାଫିଆ । ରାଜସ୍ବ ବିଭାଗର ଅନୁମତି ବିନା ଖଣି ଖନନ କରି କୋଟି କୋଟି ଟଙ୍କାର ରାଜସ୍ବ ଲୁଟୁଛନ୍ତି ଏହି ମାଫିଆମାନେ । ରାଜସ୍ବ ବିଭାଗର କିଛି କର୍ମଚାରୀଙ୍କ ପାଇଁ ଏହା ସମ୍ଭବ ହେଉଥିବା ଚର୍ଚ୍ଚା ହେବା ପରେ ଗୁରୁବାର ସକ୍ରିୟ ହୋଇଛନ୍ତି ଜଟଣୀ ତହସିଲଦାର । ତହସିଲଦାରଙ୍କ ନେତୃତ୍ବରେ ଗଠନ ହୋଇଥିବା ଟିମ ଆଜି ପଥର ଓ ବାଲି ମାଫିଆଙ୍କୁ ଚେକ ଦେଇଛନ୍ତି ।
ଜଟଣୀ ତହସିଲଦାରଙ୍କ ପକ୍ଷରୁ ଚଢ଼ାଉ, ପଥର ଓ ବାଲି ମାଫିଆଙ୍କ ଟ୍ରକ ଜବତ
ଜଟଣୀ ଅଞ୍ଚଳର ବିଭିନ୍ନ ସ୍ଥାନରେ ଚଢ଼ାଉ କରି ଆଜି 3ଟି ବାଲି ବୋଝେଇ ହାଇୱା ଏବଂ 7ଟି ମାଙ୍କଡା ପଥର ବୋଝେଇ ଟ୍ରକ ଓ ଗୋଟିଏ ମିନି ଟ୍ରକ୍ ଜବତ କରିଥିବା ଜଣାପଡ଼ିଛି । ତହସିଲଦାରଙ୍କ ଏଭଳି କାର୍ଯ୍ୟାନୁଷ୍ଠାନକୁ ଦେଖି ମାଫିଆମାନଙ୍କ ଭିତରେ କୋକୁଆ ଭୟ ସୃଷ୍ଟି ହୋଇଥିବା ସାଧାରଣରେ ଚର୍ଚ୍ଚା ହେଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
