ଭୁବନେଶ୍ବର: ହକି ବିଶ୍ଵକପ ପାଇଁ ସ୍ୱତନ୍ତ୍ର ଟେଷ୍ଟିଂ ବ୍ୟବସ୍ଥା ହେବ । ରାଜ୍ୟରେ ଆଉ କିଛି ଦିନ ପରେ ଆରମ୍ଭ ହେବ ହକି ବିଶ୍ଵକପ। ଏନେଇ ମଧ୍ୟ କାଉନ ଡାଉନ ଆରମ୍ଭ ହେଲାଣି। କିନ୍ତୁ ଏହା ମଧ୍ୟରେ କୋଭିଡର ସଂକ୍ରମଣ ବଢ଼ିବାରେ ଲାଗିଛି। ତେବେ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ହକି ବିଶ୍ଵକପ ପାଇଁ ଟେଷ୍ଟିଂର ବ୍ୟବସ୍ଥା କରାଯାଇଛି। ଭୁବନେଶ୍ୱର , କଟକ ଏବଂ ରାଉରକେଲା ପାଇଁ ଟେଷ୍ଟିଂ ବ୍ୟବସ୍ଥା କରିବା ପାଇଁ ଅଧିକ ଗାଡ଼ି ରହିବ ।
ଏହି ତିନୋଟି ସହରରେ ଆବଶ୍ୟକତା ଅନୁଯାୟୀ ଷ୍ଟାପ ମାନଙ୍କୁ ରଖିବାକୁ ପରାମର୍ଶ ଦିଆଯାଇଛି। ଏହି ୩ ଟି ସହରର ସମସ୍ତ UPHC ଏବଂ UCHC ରେ ଆର ଟି ପିସିଆର, ଆଣ୍ଟିଜେନ ଏବଂ ସ୍ୱାବ କଲେକ୍ସନ ପାଇଁ ପରୀକ୍ଷା ଦିଆଯିବ। ଏ ସମସ୍ତ ହସ୍ପିଟାଲ ସମ୍ମୁଖରେ କୋଭିଡ଼ ଟେଷ୍ଟିଂ ଉପଲବ୍ଧ ଲେଖାଯିବ। ବିମାନବନ୍ଦର ଏବଂ ସମୁଦ୍ର ବନ୍ଦରଗୁଡିକରେ ନଜର ରଖାଯିବ। ଏହାସହ l SCB MCH, MKCG MCH ଏବଂ VIMSAR ବୁର୍ଲା ବର୍ତ୍ତମାନର 20 ଶଯ୍ୟା କ୍ଷମତା (15 ଅମ୍ଳଜାନ ସହାୟତା + 05 ଆଇସିୟୁ) 31 ମାର୍ଚ୍ଚ 2023 ପର୍ଯ୍ୟନ୍ତ ସଜାଗ ରହିବ।
କ୍ୟାପିଟାଲ ହସ୍ପିଟାଲ, ବିବିଏସଆର, ଆରଜିଏଚ, ରାଉରକେଲା ଏବଂ ଏମସିଏଚ ସମେତ ସମସ୍ତ ଜିଲ୍ଲା ମୁଖ୍ୟାଳୟ ଡାକ୍ତରଖାନା ଡିସେମ୍ବର ୨୭ ତାରିଖରେ ସମଗ୍ର ରାଜ୍ୟରେ ସମାନ ଭାବରେ ମକ ଡ୍ରିଲ କରାଯିବ। ଅମ୍ଳଜାନ କାରଖାନା ଉପରେ ନିର୍ଦ୍ଦିଷ୍ଟ ଧ୍ୟାନ ଦେଇ COVID ପରିଚାଳନା ପାଇଁ ଭେଣ୍ଟିଲେଟର, ଲଜିଷ୍ଟିକ୍ସ ଏବଂ ମାନବ ସମ୍ବଳ ପ୍ରସ୍ତୁତ ରଖାଯାଇଥିବ। ଏହା ସହ ଆସନ୍ତା ତିନି ମାସ ପାଇଁ ସାମ୍ପ୍ରତିକ କୋଭିଡ ଲହରରେ କୋଭିଡ ପରୀକ୍ଷା ପାଇଁ ପର୍ଯ୍ୟାପ୍ତ କିଟ ଉପଲବ୍ଧ ରଖିବାକୁ ପରାମର୍ଶ ଦିଆଯାଇଛି । ଅମ୍ଳଜାନ ଯୋଗାଣ ବ୍ୟବସ୍ଥାର ସମୀକ୍ଷା କରାଯାଇଥିଲା। ଯେକୌଣସି ପରିଚାଳନା ପାଇଁ ପର୍ଯ୍ୟାପ୍ତ ବୋଲି ପରିମାଣ ରେ ରହିଛି ଅମ୍ଳଜାନ ।
ଇଟିଭି ଭାରତ, ଭୁବନେଶ୍ବର
