ଖୋର୍ଦ୍ଧା: କେତେବେଳେ ପଞ୍ଚାୟତରେ ଥିବା ଟିଏମସି ସେଣ୍ଟରକୁ ନିଜେ ସାନିଟାଇଜ କରି ତ ଆଉ କେତେବଳେ ଗୀତଗାଇ ଲୋକଙ୍କୁ ସଚେତନ କରି ଚର୍ଚ୍ଚାର ବିଷୟ ପାଲଟିଛନ୍ତି ସରପଞ୍ଚ । ବେଗୁନିଆ ବ୍ଳକର ସିମର ସରପଞ୍ଚ ସରୋଜିନୀ ଖୁଣ୍ଟିଆ ସୋମବାର ପୁଣିଥରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । ରାକ୍ଷୀ ପୂର୍ଣ୍ଣମି ଅବସରରେ ସେ ଟିଏମସି ସେଣ୍ଟରରେ ରହୁଥିବା ପ୍ରବାସୀଙ୍କ ହାତରେ ରାକ୍ଷୀ ବାନ୍ଧିଛନ୍ତି ।
ଟିଏମସି ସେଣ୍ଟରରେ ପ୍ରବାସୀଙ୍କୁ ରାଖି ବାନ୍ଧି ଚର୍ଚ୍ଚାରେ ସରପଞ୍ଚ
ସିମର ପଞ୍ଚାୟତରେ ବର୍ତମାନ 28ଜଣ ପ୍ରବାସୀ ରହୁଛନ୍ତି । କୋରୋନା ପାଇଁ ସେମାନେ ନିଜ ଭଉଣୀ ହାତରୁ ରାକ୍ଷୀ ବାନ୍ଧି ନାହାନ୍ତି । ଏହାକୁ ଦୃଷ୍ଟିରେ ରଖି ସରପଞ୍ଚ ନିଜେ ଟିଏମସି ସେଣ୍ଟରରେ ପ୍ରବାସୀଙ୍କ ହାତରେ ରାକ୍ଷୀ ବାନ୍ଧି ମିଠା ଖୁଆଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
