ଖୋର୍ଦ୍ଧା: ବୁଧବାର ବିଳମ୍ବିତ ରାତିରେ 16ନଂ ଜାତୀୟ ରାଜପଥର ସୁନାଖଳା ଠାରେ ସଡକ ଦୁର୍ଘଟଣା ଘଟିଛି । ଏଥିରେ ଦୁଇ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ପରିଚୟ ମିଳିପାରିନଥିବାବେଳେ ସେମାନେ ବିଷମ କଟକରୁ ଭୁବନେଶ୍ବର ଅଭିମୁଖେ ଯାଉଥିବାବେଳେ ଏହି ଦୁର୍ଘଟଣା ଘଟିଥିବା ଜଣାପଡିଛି ।
ଫଟୋ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସୂଚନାନୂଯାୟୀ, ସୁନାଖଳା ଛକରେ ଏକ ଟ୍ରକ ଠିଆ ହୋଇଥିବାବେଳେ ବିଷମ କଟକରୁ ଭୁବନେଶ୍ୱର ଯାଉଥିବା ଏକ ବୋଲେରୋ ଟ୍ରକର ପଛପଟେ ଆସି ପିଟି ହୋଇଥିଲା । ଫଳରେ ବୋଲେରୋରେ ଥିବା ଦୁଇ ଯୁବକ ଗୁରୁତର ହୋଇଥିଲେ । ଖବରପାଇ ନାଚୁଣି ପୋଲିସ ପହଞ୍ଚି ଘଟଣାସ୍ଥଳରୁ ଗୁରୁତରମାନଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲକୁ ପଠାଇଥିଲା ।
ତେବେ ସେଠାରେ 2 ଯୁବକଙ୍କର ମୃତ୍ୟୁ ହୋଇଥିବା ଜଣାପଡିଛି । କିନ୍ତୁ ଏପର୍ଯ୍ୟନ୍ତ ମୃତକଙ୍କ ପରିଚୟ ମିଳପାରିନଥିବାବେଳେ ତଦନ୍ତ ଜାରି ରଖିଛି ପୋଲିସ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
