ଖୋର୍ଦ୍ଧା : ବେଗୁନିଆ-ବୋଲଗଡ଼ ନିର୍ବାଚନ ମଣ୍ଡଳୀ ପାଇଁ ବିଜେପି ପ୍ରଥମେ ପ୍ରାର୍ଥୀ ଘୋଷଣା କରିଛି। ତେବେ ଏଠାରେ ବିଜେପିରୁ ପ୍ରାର୍ଥୀ ହୋଇଛନ୍ତି ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଜେଡି ସାଂସଦ ପ୍ରଶାନ୍ତ ନନ୍ଦଙ୍କ ପୁଅ ରିଷଭ ନନ୍ଦ। ବିଜେପିରୁ ତାଙ୍କୁ ପ୍ରାର୍ଥୀ ଭାବେ ବେଗୁନିଆରୁ ଘୋଷଣା ହେବା ପରେ ସେ ଇଟିଭିକୁ ଦେଇଥିବା ପ୍ରତିକ୍ରିୟାରେ କହିଛନ୍ତି ବିଜେପି ଏକ ଶୃଙ୍ଖଳିତ ଦଳ ଏବଂ ଏହି ଦଳର ଅନୁଶାସନରେ ମୁଁ କାମ କରିବି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସେହିପରି ଦଳ ତାଙ୍କୁ କଣ ପାଇଁ ପ୍ରାର୍ଥୀ କଲା ତାହାର ଉତ୍ତରରେ ସେ କହିଥିଲେ ସ୍ଥାନୀୟ ଅଞ୍ଚଳରେ ମୋ ଲୋକପ୍ରିୟତା ଓ କାମକୁ ଦେଖି ଦଳ ମତେ ପ୍ରାର୍ଥୀ କରିଛି। ସ୍ୱାସ୍ଥ୍ୟ ସେବା , ପାନୀୟ ଜଳର ଅସୁବିଧା, ଚାଷ ପାଇଁ ଜଳସେଚନ,ବେକାରୀ ସମସ୍ୟାକୁ ମୁଦ୍ଦା କରି ଲୋକଙ୍କ ନିକଟରେ ଉପସ୍ଥାପନ କରିବି । ଦୃଢତାର ସହ କହିଥିଲେ ବେଗୁନିଆ-ବୋଲଗଡ଼ରେ ଏଥର ବିଜେପି ବାଜିମାତ କରିବ ଓ ଏହି ଅଞ୍ଚଳ ହସିବ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
