ଖୋର୍ଦ୍ଧା : ଦେଶୀମଦ ଭାଟି ଉପରେ ଚଢ଼ାଉ । ବିପୁଳ ପରିମାଣର ମଦ ଜବତ କରିବା ସହିତ ପୋଚକୁ ନଷ୍ଟ କରିଛି ବେଗୁନିଆ ପୋଲିସ । ଏନେଇ ଅଧିକ ତଦନ୍ତ ଜାରି ରହିଛି । ସୂଚନା ଅନୁସାରେ, ଖୋର୍ଦ୍ଧା ବେଗୁନିଆ ଥାନା ଅନ୍ତର୍ଗତ ଏକଡାଳିଆ ଆମ୍ବ ବଗିଚାରେ ମଦ ରନ୍ଧା ହେଉଥିବା ଖବର ପାଇଥିଲା ପୋଲିସ ।
ମଦ ଭାଟି ଉପରେ ଚଢ଼ାଉ:ବିପୁଳ ପରିମାଣର ପୋଚ ନଷ୍ଟ ସହ ମଦ ଜବତ
ଏନେଇ ବେଗୁନିଆ ଥାନା ଅଧିକାରୀ ସଦଳ ବଳେ ଚଢ଼ାଉ କରି 800 ଲିଟର ପୋଚ ନଷ୍ଟ କରିବା ସହ 30 ଲିଟର ଦେଶୀ ମଦ ଜବତ କରିଛନ୍ତି । ପୋଲିସ ଚଢ଼ାଉ ସମ୍ପର୍କରେ ଜାଣିପାରି ମଦ ବ୍ୟବସାୟୀମାନେ ସ୍ଥାନ ଛାଡି ଫେରାର ହୋଇଯାଇଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
