ଖୋର୍ଦ୍ଧା: ବେଗୁନିଆ ପୋଲିସକୁ ସଫଳତା । ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ଦେଉଳି ପଞ୍ଚାୟତର ଗୋପୀନାଥପୁର ଜଙ୍ଗଲରେ ଦେଶି ମଦଭାଟି ଉପରେ ଚଢାଉ କରିଛି ବେଗୁନିଆ ପୋଲିସ । ଚଢାଉରେ 500ଲିଟର ପୋଚ ନଷ୍ଟ କରିବା ସହିତ 6 ଲିଟର ଦେଶୀ ମଦ ଜବତ କରିଛି ପୋଲିସ ।
ବେଆଇନ ମଦ କାରବାର ହେଉଥିବା ନେଇ ପୋଲିସ ବିଶେଷ ସୁତ୍ରରୁ ଖବର ପାଇଥିଲା । ଖବର ପାଇବା ମାତ୍ରେ ପୋଲିସର ଏକ ଦଳ ମଦ କାରବାର ହେଉଥିବା ସ୍ଥାନରେ ଅଚାନକ ଚଢାଉ କରିଥିଲା । ଚଢାଉରେ ୫୦୦ ଲିଟର ପୋଚ ନଷ୍ଟ କରିବା ସହିତ ୬ ଲିଟର ଦେଶୀ ମଦ ଏବଂ ବିଭିନ୍ନ ମଦ ପ୍ରସ୍ତୁତ ସରଞ୍ଜାମ ଜବତ କରିଛି ପୋଲିସ ।
ଚଢାଉ ସମୟରେ ଅଭିଯୁକ୍ତମାନେ ଖସି ପଳାଇବାରେ ସଫଳ ହୋଇଛନ୍ତି । ସେମାନଙ୍କ କାବୁ କରିବାକୁ ବେଗୁନିଆ ପୋଲିସ ୧୧0/୨୧ରେ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
