ଖୋର୍ଦ୍ଧା: କ୍ରସର ଉପରେ ବୋମାମାଡ ଘଟଣାରେ ୫ ଜଣଙ୍କୁ ଗିରଫ କଲା ପୋଲିସ । ଏହା ସହ ଅଧିକ ତଦନ୍ତ ଜାରି ରଖିଛି ପୋଲିସ । ସୂଚନା ଅନୁସାରେ, ଖୋର୍ଦ୍ଧା ବେଗୁନିଆ ବ୍ଲକ ଦେଉଳି ପଞ୍ଚାୟତ ଦଲକର ଗାଁରେ ଥିବା କ୍ରସର ଉପରେ ଗତ 13 ତାରିଖରେ ବୋମାମାଡ ହୋଇଥିଲା । କ୍ରସର ମାଲିକ ସବ୍ୟସାଚୀ ମିଶ୍ର କଳା ମୁଗୁନି ପଥରଖଣିରୁ ପଥର କାରବାର କରିବାକୁ ମନା କରିବାରୁ ଏପରି କାଣ୍ତ ହୋଇଥିବା ସେ କହିଛନ୍ତି ।
ସ୍ଥାନୀୟ ଅଞ୍ଚଳର ୫ଜଣ ଯୁବକ କ୍ରସର ରୁ ୬୫ହଜାର ଟଙ୍କା ଲୁଟି ନେବା ସହ ଗାଡି ଭଙ୍ଗାରୁଜା କରିଥିଲେ । ଏନେଇ ବେଗୁନିଆ ଥାନାରେ ମାଲିକଙ୍କ ପକ୍ଷରୁ ଅଭିଯୋଗ କରାଯାଇଥିଲା । ଏହି ବୋମାମାଡ଼ ଘଟଣାରେ ବେଗୁନିଆ ଥାନା ପୁଲିସ ଦଲକର ବାଦଲ ପ୍ରଧାନ,ଜିତୁ ବରାଳ ,କେଦାର ବଡ଼ଜେନା ଏବଂ ଅନ୍ୟ ଜଣେ ବଡ଼ତୋଟାର ବିଭୁନା ବଳିଆୟାର ସିଂହଙ୍କୁ ଗିରଫ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି
