ଖୋର୍ଦ୍ଧା: ନରଣଗଡ ଗ୍ରାମପଞ୍ଚାୟତ ଲୋକେ ନିଜର ଜମି କିଣା-ବିକା କରିପାରୁ ନାହାଁନ୍ତି । ଫଳରେ ଲୋକେ ଅତ୍ୟାବଶ୍ୟକ କାର୍ଯ୍ୟ ତୁଲାଇବାରୁ ବଞ୍ଚିତ ହେବା ସହିତ କୌଣସି ପ୍ରକାର ସରକାରୀ ସାହାଯ୍ୟ ପାଇପାରୁ ନାହାଁନ୍ତି । ଜମିପଟ୍ଟାରେ ଜମିଦାରଙ୍କ ନାମ ଶ୍ରୀ ଜଗନ୍ନାଥ ମହାପ୍ରଭୁ ବିଜେ ପରିବର୍ତ୍ତେ ଓଡିଶା ସରକାରଙ୍କ ନାମ କରାଯିବା ନେଇ ଦାବି କରିଛନ୍ତି ଲୋକେ ।
ଜଗନ୍ନାଥଙ୍କ ନାଁରେ ଥିବା ଜମିକୁ ଓଡିଶା ସରକାରଙ୍କ ନାଁ ଦେବାକୁ ଦାବି
ଏହା ସହିତ ନରଣଗଡରେ ଥିବା କୁଣ୍ଡକୁଣ୍ଡି ମୁଣ୍ଡିଆ ରାଜ୍ୟ ଖଣି ନିଗମ ଅଧିନକୁ ଚାଲିଯିବା ଫଳରେ ଏ ଅଞ୍ଚଳରେ ବହୁ ଲୋକ ନିଜର ଜୀବିକା ହରାଇଛନ୍ତି । ତେଣୁ ଏ ବାବଦରେ 7 ଦିନ ଭିତରେ ଜନଶୁଣାଣୀ କରିବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି । ଧାର୍ଯ୍ୟ ସମୟ ଭିତରେ ଲୋକଙ୍କ ସମସ୍ୟା ପ୍ରତି ପ୍ରଶାସନ ପଦକ୍ଷେପ ନ ନେଲେ ରାଜରାସ୍ତାକୁ ଓହ୍ଲାଇବା ନେଇ ନରଣଗଡ ଗ୍ରାମପଞ୍ଚାୟତବାସୀ ଚେତାବନୀ ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
