ଖୋର୍ଦ୍ଧା: ପିଲାଚୋର ସନ୍ଦେହରେ ବୃଦ୍ଧଙ୍କୁ ମାଡ ମାରି ପୋଲିସ ଜିମା ଦେଲେ ଲୋକେ । ଏ ଭଳି ଘଟଣା ଦେଖିବାକୁ ମିଳିଛି ଖୋର୍ଦ୍ଧା ବ୍ଲକ ଅନ୍ତର୍ଗତ ପାନବରଜ ଗ୍ରାମରେ ।
ପିଲାଚୋର ସନ୍ଦେହରେ ବୃଦ୍ଧଙ୍କୁ ମାଡ଼ ମାରି ପୋଲିସ ଜିମା ଦେଲେ ଲୋକେ
ସୂଚନାଯୋଗ୍ୟ ପାନବରଜ ଗ୍ରାମରେ ଜଣେ ଅଜଣା ବୃଦ୍ଧ ଲୋକ ସକାଳୁ ବୁଲୁଥିବା ଗ୍ରାମର ଲୋକମାନେ ଦେଖିଥିଲେ । ଏହାପରେ ଦିନରେ ସେହି ବୃଦ୍ଧ ଜଣକ ଉକ୍ତ ଗ୍ରାମର ଅବଦୁଲ ରହିମଙ୍କ ଝିଅ ୮ ବର୍ଷ ଓ ସେକ ସାବିରଙ୍କ ଝିଅ ୮ ବର୍ଷ ଦୁଇ ଝିଅଙ୍କୁ କାନ୍ଧରେ ପକେଇ ନେଇଯାଉଥିବା ବେଳେ ଗ୍ରାମର ଦୁଇ ଯୁବକ ଦେଖି ତାଙ୍କୁ ପିଲା ଚୋର ସନ୍ଦେହରେ ଗ୍ରାମ ଭିତରକୁ ନେଇ ଯାଇଥିଲେ । ଗ୍ରାମର ଲୋକମାନେ ସେହି ବ୍ୟକ୍ତିଙ୍କୁ ଚୋର ସନ୍ଦେହରେ ମାଡପିଟି କରିବାପରେ ପୋଲିସକୁ ହସ୍ତାନ୍ତର କରିଥିବା ଜଣାପଡିଛି । ତେବେ ପ୍ରକୃତ ଘଟଣା କଣ ତାହା ପୋଲିସ ତଦନ୍ତ ପରେ ହିଁ ଜଣାପଡିବ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
