ଖୋର୍ଦ୍ଧା : ରାଜସୁନାଖେଳା ଶୁଭଲକ୍ଷ୍ମୀ ରାଇସମିଲରେ ଅଘଟଣ । ଗୁରୁବାର ଜଣେ କାର୍ଯ୍ୟରତ ସୁରକ୍ଷାକର୍ମୀଙ୍କୁ ଟ୍ରକ ଚାପି ଦେବାରୁ ତାଙ୍କର ମୃତ୍ୟୁ ହୋଇଛି l ମୃତକ ଜଣକ ହେଲେ ନୟାଗଡ ରଣପୁର ଥାନା ଅଧିନ ଗଉଡ଼ିଆପଡା ଗ୍ରାମର ଚିନ୍ତାମଣି ବରାଳ l
ତେବେ ଘଟଣାରୁ ପ୍ରକାଶ ଚିନ୍ତାମଣି ଉକ୍ତ ରାଇସ ମିଲରେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟ କରୁଥିବା ସମୟରେ ଏକ ଟ୍ରକ ପଛୁଆ ଆସି ତାଙ୍କ ଉପରେ ମାଡିଯାଇଥିଲା । ଘଟଣାସ୍ଥଳରେ ହିଁ ଚିନ୍ତାମଣିର ମୃତ୍ୟୁ ହୋଇଥିଲା । ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ରଣପୁର ଡାକ୍ତରଖାନାକୁ ପଠାଇଥିଲା।
ଏହାସହ ଡ୍ରାଇଭର ଓ ଗାଡିକୁ ଅଟକ ରଖି ତଦନ୍ତ ଚଳାଇଛି ପୋଲିସ । ସେପଟେ ମୃତକଙ୍କ ପରିବାରକୁ ସଂସ୍ଥା ପକ୍ଷରୁ 2ଲକ୍ଷ ଟଙ୍କା ସହାୟତା ଦିଆଯାଇଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
