ଖୋର୍ଦ୍ଧା: ଗ୍ଯାସ ବୋଝେଇ ଟ୍ରକ କୁ ଧକ୍କା ଦେଲା ବାଇକ । ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଖୋର୍ଦ୍ଧା ବଲାଙ୍ଗୀର ୫୭ ଜାତୀୟ ରାଜପଥର ବୋଲଗଡ କଲେଜ ଗେଟ୍ ନିକଟରେ । ତେବେ ଘଟଣା ସ୍ଥଳରେ ହିଁ ବାଇକ ଚାଳକଙ୍କର ମୃତ୍ୟୁ । ତେବେ ମୃତକ ଜଣକ ବୋଲଗଡ ଥାନା ଅନ୍ତର୍ଗତ ପାଟବନ୍ଦ ଗ୍ରାମର ମନ୍ମଥ ରାଉତରାୟ ବୋଲି ଜଣାପଡିଛି ।
ଘଟଣା ସ୍ଥଳରେ ଗ୍ରାମବାସୀ ସହ ବୋଲଗଡ ପୋଲିସ ପହଞ୍ଚି ପ୍ରଥମେ ତାଙ୍କୁ ଆମ୍ବୁଲାନ୍ସ ସାହାଯ୍ୟରେ ବୋଲଗଡ ଗୋଷ୍ଠୀ କେନ୍ଦ୍ର ରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏନେଇ ବୋଲଗଡ ପୋଲିସ ଗ୍ଯାସ ବୋଝେଇ ଟ୍ରକ ଓ ବାଇକଟିକୁ ଜବତ କରିବା ସହ ତଦନ୍ତ ଆରମ୍ଭ କରିଛି । ଅନ୍ୟପଟେ ମୃତ ମନ୍ମଥ ବିଦ୍ୟୁତ ବିଭାଗରେ କାର୍ଯ୍ୟରତ ଥିବା ଜଣାପଡିଛି ।
ଇଟିଭି ଭାରତ, ଖୋର୍ଦ୍ଧା
