ଖୋର୍ଦ୍ଧା: ହାତୀ ଆକ୍ରମଣରେ ଜଣେ ମୃତ । ଟାଙ୍ଗି ରେଞ୍ଜ ନିରାକାରପୁର କଲେଜ ପଡିଆ ନିକଟରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ନିରାକାରପୁର ଡିଆ ଭୋଇସାହି ଗ୍ରାମର ବିଜୟ କୁମାର ପଟ୍ଟନାୟକ ବୋଲି ଜଣାପଡିଛି।
ହାତୀ ଆକ୍ରମଣରେ ଜଣେ ମୃତ
ସୂଚନାଅନୁଯାୟୀ ବିଜୟ ଟ୍ୟୁସନ ସାରି ଘରକୁ ଫେରୁଥିବା ବେଳେ ହାତୀ ହାବୁଡରେ ପଡିଯାଇଥିଲେ। ହାତୀ ବିଜୟଙ୍କୁ ଆକ୍ରମଣ କରିବା ପରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଛି । ତେବେ ଦୀର୍ଘଦିନ ଧରି ଜଙ୍ଗଲୀ ହାତୀପଲ ଏହି ଅଞ୍ଚଳରେ ଆତଙ୍କ ଖେଳାଉଛନ୍ତି ।
କିଛିଦିନ ତଳେ ଗୋଡିପଡା ନିକଟରେ ହାତୀ ଆକ୍ରମଣରେ ଦୁଇଜଣ ଆହତ ହୋଇଥିଲେ । ଜଙ୍ଗଲର ଦ୍ରୁତ ଅବକ୍ଷୟ ପାଇଁ ଜଙ୍ଗଲୀ ହାତୀ ଖାଦ୍ୟ ଅନ୍ବେଷଣରେ ଆସି ମଣିଷ ଜୀବନ ନେଉଥିବା ଦେଖାଯାଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
