ଭୁବନେଶ୍ବର: ବିଏସକେୱାଇ ସ୍ୱାସ୍ଥ୍ୟ କାର୍ଡକୁ କୁ ନେଇ ହେଉଥିବା ଠକାମିର ମୁକାବିଲା ପାଇଁ ସ୍ବାସ୍ଥ୍ୟ ବିଭାଗର ବଡ ପଦକ୍ଷେପ । ଆଇରିଶ ସ୍କାନ, ବାୟୋମେଟ୍ରିକ ସ୍କାନ ଓ ଓଟିପି ମାଧ୍ୟମରେ ୩ ଟି ସ୍ତରରେ ହେଉଛି ଯାଞ୍ଚ ।
ଆର୍ଥିକ ଦୃଷ୍ଟିରୁ ଦୁର୍ବଳ ପରିବାର ଏବଂ ମହିଳାଙ୍କ ସ୍ୱାସ୍ଥ୍ୟ ସୁରକ୍ଷା ଉପରେ ବିଶେଷ ଗୁରୁତ୍ୱ ଦିଆଯାଉଛି। ଏହା ସହିତ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ସର୍ବଭାରତୀୟ ସ୍ୱାସ୍ଥ୍ୟ ସେବା ଯୋଗାଇବା ପାଇଁ ରାଜ୍ୟ ସରକାର ନିରନ୍ତର ପ୍ରୟାସ ଜାରି ରଖିଛନ୍ତି। ଏହି ଯୋଜନାର NFSA / SFSS କାର୍ଡ ଥିବା ଓଡିଶାର ସମସ୍ତ 96.5 ଲକ୍ଷ ପରିବାରକୁ BSKY ବାର୍ଷିକ ସ୍ୱାସ୍ଥ୍ୟ ସେବା ଯୋଗାଇବା ପାଇଁ 5 ଲକ୍ଷ୍ୟ ପ୍ରଦାନ କରାଯାଇଛି। ଘରୋଇ ଡାକ୍ତରଖାନାରେ ବିଶେଷ ଭାବରେ ହିତାଧିକାରୀଙ୍କ ଶୋଷଣ ସମ୍ବନ୍ଧରେ ରିପୋର୍ଟ ହୋଇଥିବା ଘଟଣାକୁ ଦୃଷ୍ଟିରେ ରଖାଯାଉଛି।
ଯେପରି ଭାବରେ ଥରେ ହିତାଧିକାରୀଙ୍କୁ ଦିଆଯାଇଥିବା BSKY ସ୍ମାର୍ଟ ହେଲଥ କାର୍ଡ ନବୀକରଣ ଆବଶ୍ୟକ କରେ ନାହିଁ। ଏହା BSKY ଆଇଟି ପ୍ଲାଟଫର୍ମ ମାଧ୍ୟମରେ ପ୍ରତିବର୍ଷ ଅଟୋ ରିନ୍ୟୁ ହୋଇଥାଏ। ଦ୍ଵିତୀୟରେ ହିତାଧିକାରୀଙ୍କୁ କାହାକୁ ଦେୟ ଦେବାକୁ ପଡିବ ନାହିଁ। କାର୍ଡର ନବୀକରଣ ପାଇଁ କୌଣସି କାର୍ଯ୍ୟାଳୟକୁ ଯିବାକୁ ପଡିବ ନାହିଁ। ଯେହେତୁ ଏହା ଶେଷ ଆଇଟି ପ୍ଲାଟଫର୍ମ ଦ୍ୱାରା ଅଟୋ ନବୀକରଣ କରାଯିବ। ସେନେଇ ହିତାଧିକାରୀ ମାନେ ଧ୍ୟାନ ଦେବା ଆବଶ୍ୟକ। ତୃତୀୟରେ ବୈଧ ରେସନ କାର୍ଡ ଥିବା ସମସ୍ତ NFSA / SFSS ହିତାଧିକାରୀମାନେ ଲାଭ ପାଇପାରିବେ। ଚତୁର୍ଥ ରେ କାର୍ଡ ରେ ଥିବା ବାଲାନ୍ସର ରିଚାର୍ଜ ମଧ୍ୟ ପ୍ରତିବର୍ଷ ସେପ୍ଟେମ୍ବର 1 ରେ BSKY ଆଇଟି ପ୍ଲାଟଫର୍ମ ମାଧ୍ୟମରେ ସ୍ୱୟଂଚାଳିତ ଭାବରେ କରାଯାଇଥାଏ। ତେଣୁ, ସମସ୍ତ କ୍ଷେତ୍ର କର୍ମଚାରୀ ଏବଂ ହିତାଧିକାରୀ ଏହି ପଏଣ୍ଟଗୁଡିକ ଉପରେ ସମ୍ବେଦନଶୀଳ ହୋଇପାରନ୍ତି। ଯାହା ଦ୍ଵାରା BSKY କାର୍ଡର ନବୀକରଣ କିମ୍ବା BSKY କାର୍ଡରେ ବାଲାନ୍ସର ରିଚାର୍ଜ ନାମରେ ହିତାଧିକାରୀଙ୍କୁ ଶୋଷଣ କରିପାରିବ ନାହିଁ।
ଅନ୍ୟପଟେ ହିତାଧିକାରୀମାନଙ୍କ ଠାରୁ ଫୋନ ମାଧ୍ୟମରେ ମତାମତ ନିଆଯାଉଥିବା ରୁ ଚିକିତ୍ସାଳୟରେ ପଞ୍ଜିକରଣ ସମୟରେ ସଠିକ ଭାବରେ ଫୋନ ନମ୍ବର ଦେବାକୁ ପରାମର୍ଶ ଦେଇଛି ସ୍ୱାସ୍ଥ୍ୟ ବିଭାଗ। ଏନେଇ ସ୍ୱାସ୍ଥ୍ୟ ବିଭାଗର ସଚିବ ସାଲିନୀ ପଣ୍ଡିତ ରାଜ୍ୟର ସମସ୍ତ ଜିଲ୍ଲାପାଳ, ମହାନଗର ନିଗମ, ସମସ୍ତ ଏସପି, ଡିସିପି କଟକ ଭୁବନେଶ୍ଵର ଏବଂ ସମସ୍ତ ସିଡିଏମଓ ଙ୍କୁ ଚିଠି ଲେଖି ନିର୍ଦ୍ଦେଶ ଦେଇଛନ୍ତି। ହିତାଧିକାରୀ ମାନେ ଠକାମିର ଶିକାର ନହେବା ପାଇଁ BSKY ରେ ୩ ସ୍ତରର ତନଖି ବ୍ୟବସ୍ଥା କରାଯାଇଛି।
ସୂଚନା ଅନୁଯାୟୀ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ବଡ଼ ଘୋଟୋଲା ଜଣାପଡିବା ପରେ କଟକର ଏକ ଡାକ୍ତରଖାନା କଳା ତାଲିକାଭୁକ୍ତ ହେବା ସହିତ ଅନେକ ହସ୍ପିଟାଲର କର୍ମଚାରୀ ମଧ୍ୟ ଗିରଫ ହୋଇଛନ୍ତି। ଏହା ପରେ BSKY କୁ ନେଇ ଆହୁରି ସଚେତନତା ଆବଶ୍ୟକ ବୋଲି ବର୍ଷ ଆରମ୍ଭରୁ ସ୍ବାସ୍ଥ୍ୟ ସଚିବ ଶାଳିନୀ ପଣ୍ଡିତ ସମସ୍ତ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଥିଲେ। ଏଥିପାଇଁ ଟୋଲ ଫ୍ରି ନମ୍ବର 104 ( କଲ ସେଣ୍ଟର) ଏବଂ 155369 ( କାର୍ଡ ସମ୍ବନ୍ଧୀୟ ) ନମ୍ବର ଯାରି ହୋଇଥିଲା ।
ଇଟିଭି ଭାରତ, ଭୁବନେଶ୍ବର
