ଭୁବନେଶ୍ବର: ଡାକ୍ତରମାନଙ୍କୁ ଦିଆଯାଉଥିବା ଷ୍ଟଡି ଲିଭ ନିୟମରେ ସଂଶୋଧନ କରାଯାଇଛି । ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗର ପ୍ରଶାସନିକ ନିୟନ୍ତ୍ରଣରେ ଥିବା ଡାକ୍ତରମାନେ ପିଜି ଓ ପିଜି ପରେ ଉଚ୍ଚଶିକ୍ଷା ପାଇଁ ଚାକିରି କାଳରେ ଛୁଟି ନେବା ନିୟମରେ ସଂଶୋଧନ କରିଛନ୍ତି ରାଜ୍ୟ ସରକାରଙ୍କ ସ୍ବାସ୍ଥ୍ୟ ବିଭାଗ । ଡାକ୍ତରଙ୍କ ଷ୍ଟଡି ଲିଭ ସମୟସୀମାରେ ପରିବର୍ତ୍ତନ କରାଯାଇଛି । ଜଣେ ଡାକ୍ତର ସର୍ବାଧିକ ୬ ବର୍ଷ ଯାଏ ଷ୍ଟଡି ଲିଭ୍ ନେଇପାରିବ ବୋଲି ସଂଶୋଧନ କରାଯାଇଛି ।
ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗର ପ୍ରଶାସନିକ ନିୟନ୍ତ୍ରଣରେ ଥିବା ଡାକ୍ତରମାନେ ପିଜି ପରେ ଉଚ୍ଚଶିକ୍ଷା ପାଇଁ ଚାକିରି କାଳରେ ଛୁଟି ନେବା ନିୟମରେ ସଂଶୋଧନ କରିଛନ୍ତି ରାଜ୍ୟ ସରକାର । ଜଣେ ଡାକ୍ତର ସର୍ବାଧିକ ୬ ବର୍ଷ ଯାଏ ଷ୍ଟଡି ଲିଭ୍ ନେଇପାରିବ ବୋଲି ନୂଆ ସଂଶୋଧନରେ ନିୟମ ରହିଛି । ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ପୂର୍ବରୁ, ଏହି ନିୟମ ଅନୁସାରେ ଚାକିରି କ୍ୟାରିୟରରେ ସର୍ବାଧିକ ତିନି ବର୍ଷ ପାଇଁ ଷ୍ଟଡି ଲିଭ ନେଇ ଅନୁମତି ମିଳୁଥିଲା । ଚିକିତ୍ସା ପ୍ରମାଣପତ୍ର କିମ୍ବା ଅତିରିକ୍ତ ସାଧାରଣ ଛୁଟି ବ୍ୟତୀତ ଅନ୍ୟାନ୍ୟ ପ୍ରକାରର ଛୁଟି ସହିତ ମିଳିତ ଭାବେ ଷ୍ଟଡି ଲିଭର ମୋଟ ଅବଧିକୁ ଏକ ସର୍ତ୍ତ ଆକାରରେ ଦିଆଯାଉଥିଲା । ଯେଉଁଥିରେ ୩୬ ମାସରୁ ଅଧିକ ସମୟ ଡ୍ୟୁଟିରେ ଅନୁପସ୍ଥିତ ରହିବା ଅନ୍ତର୍ଭୁକ୍ତ ନୁହେଁ ବୋଲି ସର୍ତ୍ତ ଥିଲା । ଏବେ ସରକାର ନିଷ୍ପତ୍ତି ନେଇଛନ୍ତି ଯେ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗର ପ୍ରଶାସନିକ ନିୟନ୍ତ୍ରଣରେ କାର୍ଯ୍ୟରତ ଥିବା ଡାକ୍ତରମାନଙ୍କୁ ପିଜି ଏବଂ ପିଜି ପରେ ଉଚ୍ଚଶିକ୍ଷା ପାଇଁ ଚାକିରି କ୍ୟାରିୟରରେ ସର୍ବାଧିକ ୬ ବର୍ଷ ଯାଏ ଷ୍ଟଡି ଲିଭ୍ ମଞ୍ଜୁର କରାଯାଇପାରେ ।
ଏହା ବି ପଢନ୍ତୁ...ଝାରସୁଗୁଡାରେ ଧାମନଗର ବିଜୟର ପୁନରାବୃତ୍ତି ହେବ: ମୋହନ ମାଝୀ
ଏହା ବି ପଢନ୍ତୁ...HLCA ବୈଠକରେ ୫ଟି ବଡ ଶିଳ୍ପ ପ୍ରକଳ୍ପକୁ ମଞ୍ଜୁରୀ, ୩୮ ହଜାର ନିଯୁକ୍ତି ସୁଯୋଗ
ଚିକିତ୍ସା ପ୍ରମାଣପତ୍ର ବା ଅସାଧାରଣ ଛୁଟି ବ୍ୟତୀତ ଅନ୍ୟାନ୍ୟ ଛୁଟିକୁ ମିଶାଇ ମିଳିତ ଭାବେ ଷ୍ଟଡି ଲିଭର ମୋଟ ଅବଧିକୁ ଏହି ସର୍ତ୍ତରେ ବାଧ୍ୟତାମୂଳକ କରାଯାଇଛି । ଏଥିରେ ୭୨ ମାସରୁ ଅଧିକ ସମୟ ଡ୍ୟୁଟିରୁ ଅନୁପସ୍ଥିତ ରହିବା ଅନ୍ତର୍ଭୁକ୍ତ ନୁହେଁ । ପ୍ରଚଳିତ ନିୟମ ଅନୁଯାୟୀ, ଯେଉଁ ଡାକ୍ତରମାନେ ୫ ବର୍ଷ ମଧ୍ୟରେ ଚାକିରି ନକରି ଉଚ୍ଚ ଶିକ୍ଷା ପାଇଁ ଯାଉଛନ୍ତି, ସେମାନଙ୍କ ପାଠପଢ଼ା ଅବଧିକୁ ଘରୋଇ କ୍ଷେତ୍ରରେ ଏକ୍ସଟ୍ରା ଅର୍ଡିନାରୀ ଲିଭ୍ (EOL) ଭାବେ ମଞ୍ଜୁର କରାଯାଇଛି ।
ଏହି ଅବଧିକୁ ଡାଇନାମିକ ଆସ୍ୟୁରଡ କ୍ୟାରିୟର ପ୍ରୋଗ୍ରେସନ (DACP) ଯୋଜନାରେ ଲାଭ ପ୍ରଦାନ ପାଇଁ ସେବା ଅବଧି ଭାବେ ଗଣତି କରାଯାଇନଥିଲା । ଡାଇନାମିକ ଆସ୍ୟୁରଡ କ୍ୟାରିୟର ପ୍ରୋଗ୍ରେସନ (DACP) ଯୋଜନାରେ ମେଡିକାଲ ଅଧିକାରୀଙ୍କୁ ଭବିଷ୍ୟତ ପାଇଁ DACP ପାଇଁ ଅନୁମତି ଦେବା ଉଦ୍ଦେଶ୍ୟରେ ଘରୋଇ କ୍ଷେତ୍ରରେ EOL ଭାବରେ ଅନୁମୋଦିତ ଉଚ୍ଚ ଶିକ୍ଷାର ଏହି ଅବଧିକୁ ସେବା ଅବଧି ଭାବରେ ଗଣନା କରିବାକୁ ସରକାର ନିଷ୍ପତ୍ତି ନେଇଛନ୍ତି । ଯାହାକୁ ନେଇ ବିଜ୍ଞପ୍ତିରେ ସମ୍ପୂର୍ଣ ସ୍ପଷ୍ଟ ଉଲ୍ଲେଖ କରିଛନ୍ତି ରାଜ୍ୟ ସରକାର ।
ଇଟିଭି ଭାରତ, ଭୁବନେଶ୍ବର
