ଖୋର୍ଦ୍ଧା: ଜିଲ୍ଲା ବେଗୁନିଆ ଥାନା ପୋଲିସ ଗୁରୁବାର ଜଣେ ଦୁର୍ଦ୍ଦାନ୍ତ ଅପରାଧୀ ଦିଲ୍ଲୀପ କୁମାର ସାହୁଙ୍କୁ ଗିରଫ କରିଛି । ତା’ ନିକଟରୁ ଗୋଟିଏ ଦେଶୀ ବନ୍ଧୁକ ଏବଂ ୭ ରାଉଣ୍ଡ ଅଫୁଟା ଗୁଳିକୁ ଜବତ ମଧ୍ୟ କରିଛି ପୋଲିସ।
ସୂଚନା ଅନୁଯାୟୀ, ଦେଉଳି ପରିଚ୍ଛଳ ରାସ୍ତାରେ ଦିଲୀପ ଅପରାଧିକ କାର୍ଯ୍ୟପାଇଁ ପ୍ରସ୍ତୁତ ହେଉଥିବା ବେଗୁନିଆ ଥାନା ପୋଲିସ ଏକ ବିଶ୍ବସ୍ତ ସୁତ୍ରରୁ ଖବର ପାଇ ଚଢାଉ କରି ତାକୁ ଗିରଫ କରିଥିବା ବେଗୁନିଆ ଥାନା ଅଧିକାରୀ କହିଛନ୍ତି ।
ତେବେ ଦିଲୀପ ନାମରେ ପୂର୍ବରୁ ବହୁ ଅପରାଧିକ ମାମଲା ଥିବା ଜଣାପଡିଛି। ଗିରଫ ଅଭିଯୁକ୍ତ ଜଣକ ବେଗୁନିଆ ଥାନା ଅନ୍ତର୍ଗତ ସିନାପାଲି ଗ୍ରାମର ବୋଲି ଜଣାପଡିଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
