ଖୋର୍ଦ୍ଧା: ରାଜ୍ୟରେ ଦିନକୁ ଦିନ ବଢିଚାଲିଛି ବେଆଇନ ଖଣି କାରବାର । ଆଉ ଏହାକୁ ନେଇ ଅପରାଧୀ ପୋଲିସ ମଧ୍ୟରେ ଚାଲିଛି ଧରପଗଡ । କେବେ ବୋମାମାଡ଼ ତ ଆଉ କେବେ ଗୁଳିମାଡ଼ ହେଉଥିବା ଅନେକ ସମୟରେ ଦେଖିବାକୁ ମିଳୁଛି ।
ରବିବାର ବିଳମ୍ବିତ ରାତିରେ ନିତୁ ମାନସିଂହକୁ ଖୋର୍ଦ୍ଧା ସଦରଥାନା ପୋଲିସ ଓ ଏସଟିଏଫ ମିଳିତ ଚଢ଼ାଉ କରି ଗିରଫ କରିଛି । ସେ ଖୋର୍ଦ୍ଧା ଅଞ୍ଚଳରେ ହେଉଥିବା ବେଆଇନ ଖଣି ଖନନ ନେଇ ବୋମାମାଡ଼ ଓ ଗୁଳିମାଡ଼ ଘଟଣାରେ ସମ୍ପୃକ୍ତ ଥିବା ଜଣାପଡିଛି ।
କେବଳ ଏତିକି ନୁହେଁ, ନିତୁ ନାଁରେ ବିଭିନ୍ନ ଥାନାରେ ଏକାଧିକ ମାମଲା ଥିବା ସୂଚନା ମିଳିଛି । ଅନେକ ଦିନ ହେବେ ତାକୁ ପୋଲିସ ଖୋଜୁଥିଲା । ଏସଟିଏଫ ପାଇଁ ସେ ୱାଣ୍ଟେଡ଼ ଥିଲା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
