ଖୋର୍ଦ୍ଧା: ସଦର ଥାନା ଅନ୍ତର୍ଗତ ତାପଙ୍ଗର ଏକ କ୍ରସର ପରିସରରେ ରହୁଥିବା ଜଣେ ଦିବ୍ୟାଙ୍ଗ ଯୁବତୀଙ୍କୁ ଅସଦାଚରଣ ଅଭିଯୋଗ ହୋଇଛି । ଏହାକୁ ଭିତ୍ତି କରି ପୋଲିସ ଜଣେ ଯୁବକଙ୍କୁ ଅଟକ ରଖିଛି । ଅଟକ ଯୁବକଙ୍କ ନାମ ଅକ୍ଷୟ ସ୍ବାଇଁ ଓ ତାଙ୍କ ଘର ଅସ୍ତରଙ୍ଗର ବିଜିପୁର ଅଞ୍ଚଳରେ ହୋଇଥିବା ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସୂଚନାଯୋଗ୍ୟ, ଗତକାଲି ଅପରାହ୍ନରେ ଯୁବତୀ ଜଣକ ଏକୁଟିଆ ଘରେ ଥିଲେ । ସେହି ସମୟରେ ଅକ୍ଷୟ ଦିବ୍ୟାଙ୍ଗ ଯୁବତୀଙ୍କୁ ଅସଦାଚରଣ କରିଥିଲା । ଯୁବକ ଜଣକ ତାପଙ୍ଗର ଏକ କ୍ରସରରେ ଡ୍ରାଇଭର ରୂପେ କାମ କରୁଥିଲା । ଅଭିଯୁକ୍ତ ଅକ୍ଷୟକୁ ପୋଲିସ ଅଟକ ରଖି ଡ଼ାକ୍ତରୀମାଇନା ପାଇଁ ପଠାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
