ଖୋର୍ଦ୍ଧା : ପୋଲିସକୁ ହୋଇଛି ସଙ୍ଘବଦ୍ଧ ଆକ୍ରମଣ । ଆଉ ଏହି ଆକ୍ରମଣ କରିଛନ୍ତି ଗ୍ରାମବାସୀ । ଆକ୍ରମଣରେ ଜଣେ ସବଇନିସପେକ୍ଟରଙ୍କ ସହ ଦୁଇ ଜଣ କନେଷ୍ଟବଳ ଗୁରୁତର ଆହତ ହୋଇଛନ୍ତି । ଏପରି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ବଡ଼ ନୟାପଲି ଗ୍ରାମରେ ।
ଗାଁରେ ଜଣେ ନାବାଳିକାକୁ ସେହି ଗ୍ରାମର ଜଣେ ନାବାଳକ ଅପହରଣ କରିଥିବା ବେଗୁନିଆ ଥାନାରେ ନାବାଳିକାଙ୍କ ବାପା ଅଭିଯୋଗ କରିଥିଲେ । ରବିବାର ରାତିରେ ନାବାଳକ ଜଣକ ତାଙ୍କ ଘରକୁ ଫେରିଥିବା ବିଶ୍ବସ୍ତ ସୂତ୍ରରୁ ଖବର ପାଇ ବେଗୁନିଆ ପୋଲିସର ଏକ ସେହି ଟିମ୍ ଚଢ଼ାଉ କରିଥିଲା । ପୋଲିସର ଚଢ଼ାଉ ଦେଖି 20ରୁ ଉର୍ଦ୍ଧ୍ବ ମହିଳା ଓ ପୁରୁଷ ମିଶି ପୋଲିସ ଉପରକୁ ଢେଲା ପଥର ଓ ଠେଙ୍ଗାରେ ଆକ୍ରମଣ କରିଥିଲେ ।
ଏହି ଆକ୍ରମଣରେ ବେଗୁନିଆ ଥାନାର ଜଣେ ସବଇନିସପେକ୍ଟର ଓ ଦୁଇଜଣ କନେଷ୍ଟବଳ ଗୁରୁତର ଆହତ ହୋଇଛନ୍ତି । ପୋଲିସ ଏହି ଘଟଣାକୁ ଗୁରୁତର ଭାବେ ନେଇ ଆକ୍ରମଣକାରୀଙ୍କ ବିରୁଦ୍ଧରେ ଏକ ମାମଲା ରୁଜୁ କରିବା ସହ ତଦନ୍ତ ଜାରି ରଖିଥିବା ସୂଚନା ଦେଇଛନ୍ତି ଖୋର୍ଦ୍ଧା ଏସଡିପିଓ ସୁଶୀଲ ମିଶ୍ର ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
