ବସ୍ ଧକ୍କାରେ ବାଇକ ଆରୋହୀ ମୃତ

ବସ୍ ଚାପାରେ ବାଇକ ଆରୋହୀ ମୃତ । ଖୋର୍ଦ୍ଧା ବାଘମାରୀ କଣ୍ଟିଲୋ ୪୮ ନମ୍ବର ରାଜ୍ୟ ରାଜପଥର ସିମୋର ନିକଟରେ ଘଟିଛି ଏହି ମର୍ମନ୍ତୁଦ ଦୁର୍ଘଟଣା । ଅଧିକ ପଢନ୍ତୁ

ଖୋର୍ଦ୍ଧା: ବାଇକ ଆରୋହୀଙ୍କୁ ଧକ୍କା ଦେଲା ବସ୍ । ଘଟଣାସ୍ଥଳରେ ବାଇକ ଆରୋହୀ ମୃତ । ଆଜି(ରବିବାର) ଖୋର୍ଦ୍ଧା ବାଘମାରୀ କଣ୍ଟିଲୋ ୪୮ ନମ୍ବର ରାଜ୍ୟ ରାଜପଥର ସିମୋର ନିକଟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି(Bus Accident in Khordha) । ମୃତକ ହେଉଛନ୍ତି ବାଙ୍କି ଅନ୍ତର୍ଗତ ଚଇନ କୁରୁମ ଗ୍ରାମର ଲକ୍ଷ୍ମଣ ବେହେରା । ସୂଚନା ଅନୁସାରେ, ଲକ୍ଷ୍ମଣ ନିଜ ବାଇକ ଯୋଗେଁ ଖୋର୍ଦ୍ଧା ଅଭିମୁଖେ ଯାଉଥିଲେ ।

ସିମୋର ରଣଶଙ୍ଖ ନିକଟରେ ପଛପଟୁ ଦ୍ରୁତଗତିରେ ଆସୁଥିବା ଏକ ଯାତ୍ରୀବାହୀ ବସ୍ ତାଙ୍କ ଉପରେ ମାଡି ଯାଇଥିଲା । ଫଳରେ ଘଟଣାସ୍ଥଳରେ ଲକ୍ଷ୍ମଣ ବେହେରାଙ୍କ ମୃତ୍ୟୁ ହୋଇଯାଇଥିଲା । ଖବର ପାଇ ବାଘମାରୀ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପଟେ ଦୁର୍ଘଟଣା ଘଟାଇଥିବା ବସ ଡ୍ରାଇଭର ବସ୍ ସହ ଖୋର୍ଦ୍ଧା ଥାନାରେ ଆତ୍ମସମର୍ପଣ କରିଥିବା ସୂଚନା ମିଳିଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ