ଖୋର୍ଦ୍ଧା: କୋରୋନା ମହାମାରୀକୁ ରୋକିବା ପାଇଁ ମଦ ବିକ୍ରି ଉପରେ ଲାଗିଛି କଟକଣା । ଟାଙ୍ଗୀ ଥାନା କୁହୁଡି ଫାଣ୍ଡି ପୋଲିସ ୨ ଚୋରା ମଦ ବେପାରୀକୁ ଗିରଫ କରିବା ସହ ୩ ପେଟି ଚୋରା ବିଦେଶୀ ଓ ଦେଶୀ ମଦ ଜବତ କରିଛି ।
ବିଦେଶୀ ମଦ ସହ ଦୁଇ ବ୍ୟବସାୟୀ ଗିରଫ
ଅନଲାଇନ୍ ମଦ ବିକ୍ରି ଠାରୁ ଆରମ୍ଭ କରି ନିର୍ଦ୍ଧିଷ୍ଟ ସମୟ ସୀମା ପର୍ଯ୍ୟନ୍ତ ଖୋଲା ରହୁଛି ମଦ ଦୋକାନ । କିନ୍ତୁ ଏହାର ଫାଇଦା ନେଉଛନ୍ତି ଚୋରା ମଦ ବ୍ୟବସାୟୀ । ପୋଲିସକୁ ଖାତିର ନକରି ଚୋରା ମଦ ବେପାରକୁ ଚାଲୁ ରଖୁଛନ୍ତି ଚୋରା ମଦ ବେପାରୀ । ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ହାଟବରଡି ଗ୍ରାମରେ କୁହୁଡି ଫାଣ୍ଡି ପୋଲିସ ଚଢାଉ କରି ବେଆଇନ ମଦ ବିକ୍ରି କରୁଥିବା ଅଭିଯୋଗରେ ୨ ଜଣ ଚୋରା ମଦ ବେପାରୀଙ୍କୁ ଗିରଫ କରିଛି । ସେମାନେ ହେଲେ ହାଟବରଡି ଗ୍ରାମର ଉଦ୍ଧବ ପରିଡା ଓ ସୁମନ୍ତ ସାହୁ । ସେମାନଙ୍କ ନିକଟରୁ ୧୫ ଲିଟର ଚୋରା ବିଦେଶୀ ଓ ୬ ଲିଟର ଚୋରା ଦେଶୀ ମଦ ଜବତ କରିଛି ଫାଣ୍ଡି ପୋଲିସ । ଗିରଫ 2 ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
