ଖୋର୍ଦ୍ଧା: ବୋଲଗଡ ବନବିଭାଗ ନାଗାପଲ୍ଳୀ ରିଜର୍ଭ ଜଙ୍ଗଲରେ କଲରାପତରିଆ ବାଘର ପାଦଚିହ୍ନ ଦେଖିବାକୁ ମିଳିଛି । ବୋଲଗଡ ବନପାଳ ପ୍ରଦୀପ୍ତ କୁମାର ପଟ୍ଟନାୟକ ଏହି ସୂଚନା ଦେଇଛନ୍ତି ।
ମୁଣ୍ଡିଆପଡା ନାଗାପଲ୍ଳୀ ରିଜର୍ଭ ଜଙ୍ଗଲରୁ ବନବିଭାଗ ପକ୍ଷରୁ ବାଘ ପାଦଚିହ୍ନ ଠାବ କରାଯାଇଛି । ସୂଚନା ଅନୁଯାୟୀ ରିଜର୍ଭ ଜଙ୍ଗଲରେ ଗତ ୪ ଦିନ ମଧ୍ୟରେ ପାଟବନ୍ଧ ଗ୍ରାମର ଦୁଇଜଣ ବ୍ୟକ୍ତିଙ୍କ ୩ଟି ଗାଈ ମାରିଥିବା ଜଣାପଡିଛି । ଆଜି ବୋଲଗଡ ବନବିଭାଗ ତରଫରୁ ଯାଞ୍ଚ କରି ମୁଣ୍ଡିଆପଡା ନାଗାପଲ୍ଳୀ ରିଜର୍ଭ ଜଙ୍ଗଲରୁ ବାଘର ପାଦ ଚିହ୍ନ ଚିହ୍ନଟ କରାଯାଇଛି । ବୋଲଗଡ ବନପାଳ କଲରାପତରିଆ ବାଘର ପାଦ ଚିହ୍ନ ବୋଲି କହିଛନ୍ତି । ତେବେ ଏହି ଘଟଣା ଜଣାପଡିବା ପରେ ସ୍ଥାନୀୟ ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
