ଖୋର୍ଦ୍ଧା: ନିଜ ସୂକ୍ଷ୍ମ କଳାକୃତି ପାଇଁ ସବୁବେଳେ ପ୍ରଶଂସା ସାଉଁଟିଥାଆନ୍ତି ଖୋର୍ଦ୍ଧା ଜିଲ୍ଲା ଜଟଣୀ ଅଞ୍ଚଳର ଶିଳ୍ପୀ ଏଲ ଈଶ୍ବର ରାଓ । ଶନିବାର ଗଣେଶ ଚତୁର୍ଥୀ ଅବସରରେ ସେ ପୁଣି ନିଜ ସୂକ୍ଷ୍ମ ଓ ନିଆରା କଳାକୃତି ପାଇଁ ପୁଣି ଚର୍ଚ୍ଚାରେ ଆସିଛନ୍ତି । କୋରୋନା ପାଇଁ ଖୋର୍ଦ୍ଧା ଜିଲ୍ଲା ପ୍ରଶାସନ କୌଣସି ସାର୍ବଜନୀନ ସ୍ଥାନରେ ଗଣେଶ ପୂଜା କରିବାକୁ ବାରଣ କରିଥିବା ବେଳେ ଘରେ ରହି ପ୍ରଭୁ ବିଘ୍ନରାଜଙ୍କୁ ପୂଜା କରିବା ପାଇଁ ନିର୍ଦ୍ଦେଶ ଦେଇଛନ୍ତି ।
ସୂକ୍ଷ୍ମ କଳାକୃତିରେ ଗଣେଶ ପୂଜାର ଅଭିନନ୍ଦନ
ଏଭଳି ଏକ ଘଡିସନ୍ଧି ସମୟରେ ସୂକ୍ଷ୍ମ ଶିଳ୍ପୀ ଅଦରକାରୀ କାଗଜ ସାହାଯ୍ୟରେ 12ଇଞ୍ଚ ଉଚ୍ଚ ଏବଂ 8 ଇଞ୍ଚ ଚଉଡାର ଏକ ପେଣ୍ଡାଲ ପ୍ରସ୍ତୁତ କରିଛନ୍ତି । କେବଳ ସେତିକି ନୁହେଁ ଏହି ଆକର୍ଷଣୀୟ କାଗଜ ପେଣ୍ଡାଲରେ ସେ ସ୍ଥାପନ କରିଛନ୍ତି 3 ଇଞ୍ଚର ମାଟିରେ ପ୍ରସ୍ତୁତ ପ୍ରଭୁ ଗଜାନନ । ଏହି କାର୍ଯ୍ୟ କରିବାକୁ ତାଙ୍କୁ 15 ଦିନ ସମୟ ଲାଗିଥିବା ବେଳେ ଏହା ସମ୍ପୂର୍ଣ୍ଣ ଇକୋ ଫ୍ରେଣ୍ଡଲି ବୋଲି ଶିଳ୍ପୀ ପ୍ରକାଶ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
