ଖୋର୍ଦ୍ଧା: ସରିବାକୁ ବସିଲାଣି ଅବଧି କିନ୍ତୁ ସରିପାରୁନି ସେତୁ ନିର୍ମାଣ କାମ । ଖୋର୍ଦ୍ଧାସ୍ଥିତ ବୋଲଗଡ ବ୍ଲକ ଦୁର୍ଗାପୁର ପଞ୍ଚାୟତ ସିମାପାଲି ଠାରେ ନିର୍ମାଣ ହେଉଥିବା ବିଜୁସେତୁ କାମ ଦୀର୍ଘଦିନ ଧରି ପଡିରହିଥିବା ଅଭିଯୋଗ ଆସିଛି ।
ଏହି ବିଜୁସେତୁ ନିର୍ମାଣ ହେଲେ ଜିଲ୍ଲାର ବେଗୁନିଆ, ବୋଲଗଡ ଏବଂ ରଣପୁର ବ୍ଲକର 10 ରୁ ଅଧିକ ଗ୍ରାମବାସୀ ଉପକୃତ ହେବେ । ସେତୁ ପାଇଁ 197.92 ଲକ୍ଷ ବ୍ୟୟ ବରାଦ କରାଯାଇ ଡିସେମ୍ବର 31 2019 ରୁ ନିର୍ମାଣ କାର୍ଯ୍ୟ ଆରମ୍ଭ ହୋଇ ଚଳିତ ମାସ 30 ତାରିଖ ସୁଦ୍ଧା ବ୍ରିଜ କାମ ଶେଷ କରିବାକୁ ସରକାର ସମୟ ଅବଧି ରଖିଥିଲେ । ହେଲେ ଆଜି ପର୍ଯ୍ୟନ୍ତ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ନ ହେବାରୁ ଲୋକେ ଅସନ୍ତୋଷ ବ୍ୟକ୍ତ କରିଛନ୍ତି ।
ସୀମାପଲି ଗ୍ରାମର ଆଦିବାସୀମାନେ ଦୀର୍ଘଦିନ ଧରି ଦୁର୍ଗାପୁର ପଞ୍ଚାୟତକୁ ଯିବା ପାଇଁ ଛଅରୁ ସାତ କିଲୋମିଟର ବୁଲିବୁଲି ଯାଉଛନ୍ତି । ପୋଲ ନିର୍ମାଣ ପରେ ଲୋକଙ୍କୁ ପଞ୍ଚାୟତ କାର୍ଯ୍ୟାଳୟ ମାତ୍ର ଦୁଇରୁ ତିନି କିଲୋମିଟର ଲାଗିବ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
