ଖୋର୍ଦ୍ଧା: ଜିଲ୍ଲାରେ ଖୋଲିଲା ମଣ୍ଡି କିନ୍ତୁ କମିଲାନି ମିଲରର ମନମାନୀ । ମିଲରର କଥା ଅନୁସାରେ ଗରିବ ଚାଷୀଟିଏ ମଣ୍ଡି ପରିବର୍ତ୍ତେ ଧାନ ମିଲକୁ ଟଙ୍କା ଖର୍ଚ୍ଚ କରି ନିଜ କଷ୍ଟ ଅର୍ଜିତ ଫସଲ ଦେବାକୁ ବାଧ୍ୟ ହେଉଛି । ଏଭଳି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବୋଲଗଡ଼ ସେବା ସମବାୟ ସମିତିରେ ।
ଖୋର୍ଦ୍ଧାରେ ଖୋଲିଲା ମଣ୍ଡି, ବଢ଼ିଲା ଚାଷୀ ଦୁର୍ଦ୍ଦଶା
ସମିତିରେ ଚଳିତ ବର୍ଷ ମୋଟ 287 ଜଣ ଚାଷୀ ସରକାରଙ୍କୁ ଧାନ ବିକ୍ରି କରିବା ପାଇଁ ପଞ୍ଜିକରଣ କରିଥିବାବେଳେ ସମିତି ସମ୍ପାଦକ ଚାଷୀଙ୍କୁ ସମିତି ପରିବର୍ତ୍ତେ ମିଲର ନିକଟରେ ଧାନ ଦେବାକୁ କହୁଥିବା ଚାଷୀ ଅଭିଯୋଗ କରିଛନ୍ତି । ମଣ୍ଡିରୁ ଧାନ ସିଧାସଳଖ ମିଲର ଉଠାଉନଥିବାରୁ ଚାଷୀ ଖର୍ଚ୍ଚାନ୍ତ ହୋଇ ମିଲର ନିକଟରେ ଧାନ ଦେବାକୁ ବାଧ୍ୟ ହେଉଛନ୍ତି ।
ଏହାର ଖୁବ ଶୀଘ୍ର ସମାଧାନ କରାନଗଲେ ଚାଷୀମାନେ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛନ୍ତି । ସେପଟେ ଜିଲ୍ଲା ଯୋଗାଣ ଅଧିକାରୀ ଏପରି ହେବାକଥା ନୁଁହ ଆମେ ଏହାର ତଦନ୍ତ କରିବୁ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
