ଖୋର୍ଦ୍ଧା: ପୋଖରୀରେ ଭାସୁଛି ମୃତଦେହ । ସୂଚନା ଅନୁଯାୟୀ ଖୋର୍ଦ୍ଧା ଡାକ୍ତର ସାହି ସନ୍ନିକଟ କାହ୍ନୁସାଗର ପୋଖରୀରୁ ଏକ ଗଳିତ ମୃତଦେହ ଉଦ୍ଧାର ହୋଇଛି । ଉଦ୍ଧାର ବ୍ୟକ୍ତି ଜଣକ ନୟାଗଡ଼ ଜିଲ୍ଲା ରାଜସୁନାଖଳା ଅଞ୍ଚଳର ବୋଲି ଜଣାପଡିଛି । ମୃତକ ଜଣକ ସୁନାଖଳା ଗ୍ରାମରୁ ଆସି ୧୦ଦିନ ହେବ ଖୋର୍ଦ୍ଧାର ଏକ ଫୁଲ ଦୋକାନରେ ରହି କାମ କରୁଥିଲେ ।
ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର
ତେବେ ଆଜି ତାଙ୍କ ମୃତଦେହ ପୋଖରୀରେ ଭାସୁଥିବା ସ୍ଥାନୀୟ ଲୋକ ଦେଖି ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଅଗ୍ନିଶମ ବାହିନୀ ସହାୟତାରେ ମୃତଦେହକୁ ଉଦ୍ଧାର କରିଛି ଏବଂ ବ୍ୟବଚ୍ଛେଦ ପାଇଁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ ପଠାଇଛି । ସେପଟେ ବ୍ୟକ୍ତି ଜଣକଙ୍କର କିପରି ମୃତ୍ୟୁ ହେଲା ତାର ତଦନ୍ତ ଚଳାଇଛି ଖୋର୍ଦ୍ଧା ଆଦର୍ଶ ଥାନା ପୋଲିସ ।
