ଖୋର୍ଦ୍ଧା: ଖୋର୍ଦ୍ଧାରେ ଦିନକୁ ଦିନ ବଢିବାରେ ଲାଗିଛି ଲୁଟେରାଙ୍କ ଦୌରାତ୍ମ୍ୟ । ଲୁଟେରାଙ୍କୁ ସାବାଡ କରିବା ପାଇଁ ପୋଲିସ ଯେତେ ସକ୍ରିୟ ହେଉଛି ଲୁଟେରା ମଧ୍ୟ ପୋଲିସକୁ ଚକମା ଦେବାକୁ ସେତେ ଉଦ୍ୟମ କରୁଛନ୍ତି । ଜିଲ୍ଲା ଆରକ୍ଷୀ ଅଧିକ୍ଷକ ଲୁଟେରାଙ୍କୁ ଧରିବା ପାଇଁ କଡା ନିର୍ଦ୍ଦେଶ ଦେଇଛନ୍ତି । ଏହା ସତ୍ବେ ଲୁଟେରା ଲୁଟ କରୁଛନ୍ତି ଖୋର୍ଦ୍ଧା ସହରରେ ।
ଭିଡିଓ ସୌଜନ୍ୟ: : ପ୍ରତିନିଧି, ଖୋର୍ଦ୍ଧା
ଆଜି ଖୋର୍ଦ୍ଧା ବେଗୁନିଆ ଅଞ୍ଚଳରେ 3ଜଣ ଯୁବକ ମୋବାଇଲ ଲୁଟ ପାଇଁ ଉଦ୍ୟମ କରୁଥିଲେ । ଲୁଟେରା ମାନେ ଭଞ୍ଜନଗର ଅଞ୍ଚଳରୁ ଆସି ଲୁଟ ପାଇଁ ଉଦ୍ୟମ କରୁଥିଲେ । ସ୍ଥାନୀୟ ଲୋକମାନେ ଏହି ଲୁଟେରାଙ୍କୁ ଧରି ପୋଲିସର ଜିମା ଦେଇଛନ୍ତି । ପୋଲିସ ଏମାନଙ୍କଠାରୁ 4ଟି ମୋବାଇଲ ଫୋନ ଗୋଟିଏ ସ୍କୁଟି ଜବତ କରିବା ସହ ଘଟଣାର ତଦନ୍ତ କରୁଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
