ଖୋର୍ଦ୍ଧା: ଦୁଇ ଦିନିଆ ଓଡିଶା ଗସ୍ତରେ ଆସିଛନ୍ତି କେନିଆ ହାଇ କମିଶନର Willy Bett । ଏହି ଅବସରରେ କେନିଆ ହାଇ କମିଶନର ଜଟଣୀ ସ୍ଥିତ ସେଞ୍ଚୁରିଅନ ୟୁନିଭରସିଟି ପରିଦର୍ଶନ କରିଛନ୍ତି । ୟୁନିଭରସିଟି ପରିସରରେ ଥିବା ବିଭିନ୍ନ ବିଭାଗରେ ପ୍ରଦାନ କରାଯାଉଥିବା ଶିକ୍ଷା କାର୍ଯ୍ୟକ୍ରମକୁ ବୁଲି ଦେଖିଛନ୍ତି Willy Bett ।
ଓଡିଶାରେ କେନିଆ ହାଇ କମିଶନର Willy Bett, ସ୍କିଲ ଇଣ୍ଡିଆକୁ କଲେ ପ୍ରଶଂସା
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍କିଲ ଇଣ୍ଡିଆ କାର୍ଯ୍ୟକ୍ରମକୁ ପ୍ରଶଂସା କରିଥିବା ବେଳେ ଭାରତ ଓ କେନିଆ ମଧ୍ୟରେ ଥିବା ନିବିଡ଼ ସମ୍ପର୍କ ବିଷୟରେ କହିବା ସହିତ ଉଚ୍ଚଶିକ୍ଷା କ୍ଷେତ୍ରରେ ଏହା ସହାୟକ ହେବ ବୋଲି କହିଛନ୍ତି । ସେଞ୍ଚୁରିଅନ ୟୁନିଭରସିଟିରେ ସବୁଠାରୁ ଭିନ୍ନ ଓ ସ୍ୱତନ୍ତ୍ର ପ୍ରଣାଳୀରେ ଛାତ୍ରଛାତ୍ରୀଙ୍କୁ ଦିଆ ଯାଉଥିବା ଶିକ୍ଷା ପ୍ରଦାନକୁ ପ୍ରଶଂସା କରିଛନ୍ତି କେନିୟାର ହାଇ କମିଶନର । ଆଗାମୀ ଦିନରେ ସେଞ୍ଚୁରିଅନ ୟୁନିଭରସିଟି ଓ କେନିୟା ମଧ୍ୟରେ ଶିକ୍ଷା କ୍ଷେତ୍ରରେ ବୁଝାବଣା କରାଯାଇ ଆଗକୁ ବଢିବ ବୋଲି କେନିୟା ହାଇ କମିଶନର କହିଛନ୍ତି ।
ଇଟିଭି ଭାରତ, ଖୋର୍ଦ୍ଧା
