ଭୁବନେଶ୍ବର: ପାଦେ ପାଦେରେ ସଂକଟ । ରାଜଧାନୀର ରାସ୍ତା ଉପରେ ଯିବା ଆସିବା କରିବା ଦିନକୁ ଦିନ ବିପଦ ପାଲଟିଛି । କାରଣ ରାସ୍ତା ଉପରେ ପଡି ରହିଛି ଲମ୍ବା ଲମ୍ବା ତାର । କେବୁଲ ତାରଠୁ ଆରମ୍ଭ କରି ଫୋନ ତାର ଓ ଷ୍ଟ୍ରିଟ ଲାଇଟ ତାର। ଯାହାକୁ ନେଇ ରାଜଧାନୀରେ ଘଟିଛି ଏକ ବଡ ଅଘଟଣ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଗୁରୁବାର ରାତି ୧୧ ସମୟରେ ସତ୍ଯନଗର ଚର୍ଚ୍ଚ ସାମ୍ନାରେ ରାସ୍ତାରେ ଘଟିଛି ଅଘଟଣ । ଦୁଇ ଜଣ ବାପା ପୁଅ ରାମ ମନ୍ଦିରରୁ ସହିଦନଗର ଅଭିମୁଖେ ଯାଉଥିବା ବେଳେ ଦୁର୍ଘଟଣାର ଶିକାର ହୋଇଛନ୍ତି ।
ଚର୍ଚ୍ଚ ସାମ୍ନାରେ ରାସ୍ତା ଉପରେ ପଡିଥିବା କେବୁଲ ତାରଟି ସ୍କୁଟିରେ ଗୁଡେଇ (OD 02AB 4600)ହୋଇ କିଛି ବାଟ ଘୁଷୁଡି ଯାଇଥିଲା । ଫଳରେ ବାପର ମୁଣ୍ଡରେ ଆଘାତ ଲାଗିଥିବା ବେଳେ ପୁଅର ଗୋଟିଏ ପଟ ହାତ ପ୍ରବଳ ଆଘାତ ଲାଗିଛି । ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରିଥିବା ବେଳେ ପିସିଆର ଆସି ବାପ ପୁଅଙ୍କୁ କ୍ଯାପିଟାଲ ହସପିଟାଲକୁ ନେଇଥିବା ଜଣାପଡିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
