ଖୋର୍ଦ୍ଧା: ବୋଲଗଡ ଅଞ୍ଚଳରେ ଦିନକୁ ଦିନ ବଢ଼ି ଚାଲିଛି ବେଆଇନ ଗୋଚାଲାଣ କାରବାର । ଗୋରୁ ଚାଲାଣ ସମୟରେ ମଙ୍ଗଳବାର ଚଢାଉ କରି ୨୨ଟି ଗୋରୁ ସହ ୨ଟି ଗାଡି ଜବତ କରିଛି ପୋଲିସ । ଏଥିସହ ଦୁଇଜଣ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଛି । ବୋଲଗଡ଼ ଥାନା ଅଧିକାରୀଙ୍କ ସୂଚନା ଅନୁଯାୟୀ, ସ୍ଥାନୀୟ ବିଜିପୁର ଗେଟ୍ ଓ କୁମ୍ଭାରୀ ଛକ ନିକଟରୁ ବେଆଇନ ଗୋରୁ ଚାଲାଣ ହେଉଥିବା ନେଇ ପୋଲିସକୁ ବିଶେଷ ସୂତ୍ରରୁ ଖବର ମିଳିଥିଲା ।
ଏହାପରେ ବୋଲଗଡ଼ ପୋଲିସ ଚଢ଼ାଉ କରି ଗାଡି ଦୁଇଟିକୁ ଜବତ କରିଥିଲା ଓ ଗାଡ଼ିରେ ଗୋରୁଙ୍କୁ ଉଦ୍ଧାର କରିଥିଲା । ପରେ ଉଦ୍ଧାର ୨୨ଟି ଗୋରୁଙ୍କୁ ଭୁବନେଶ୍ୱର ସ୍ଥିତ ଗୋଶାଳାକୁ ପଠାଯାଇଥିବା ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
