ଖୋର୍ଦ୍ଧା: ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଜନିତ ବର୍ଷା ଉପକୂଳ ଓଡ଼ିଶାରେ ଲାଗି ରହିଛି । ସେହିପରି ଖୋର୍ଦ୍ଧା ଜିଲ୍ଲାକୁ ପାଣିପାଗ ବିଭାଗ ରେଡ଼ ଓ୍ବାର୍ଣ୍ଣିଂ ଜାରି କରିଛି ।
ଖୋର୍ଦ୍ଧାରେ ପ୍ରବଳ ବର୍ଷା: ପାଣିପାଗ ବିଭାଗର ରେଡ ଓ୍ବାର୍ଣ୍ଣିଂ
ଏହାର ପ୍ରଭାବରେ ଖୋର୍ଦ୍ଧାର ସବୁ ସ୍ଥାନରେ ଆଜି ସକାଳୁ ଲଗାଣ ବର୍ଷା ଲାଗି ରହିଛି । ତୁହାକୁ ତୁହା ବର୍ଷା ଫଳରେ ଜନଜୀବନ ଏକପ୍ରକାର ଠପ ହୋଇଛି ।
ସେହିପରି ଖୋର୍ଦ୍ଧା ସହରର ଅନେକ ସ୍ଥାନରେ ବର୍ଷା ପାଣି ଜମି ରହିଥିବା ଦେଖିବାକୁ ମିଳିଛି । ଖୋର୍ଦ୍ଧା ପୌର ପ୍ରଶାସନ ପକ୍ଷରୁ ଡ୍ରେନ କାର୍ଯ୍ୟ କରାଯାଇନଥିବା କାରଣରୁ ଏଭଳି ସମସ୍ୟା ସୃଷ୍ଟି ହୋଇଛି । ସେହିପରି ଚଳିତ ବର୍ଷ ଖୋର୍ଦ୍ଧା ଜିଲ୍ଲାରେ ଏହା ସବୁଠୁ ଅଧିକ ବର୍ଷା ରେକର୍ଡ କରାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
