ଭୁବନେଶ୍ବର: କେନ୍ଦ୍ରାପଡା ହରିଦାସପୁରରୁ ପାରାଦ୍ବୀପ ମଧ୍ୟରେ ରେଳ ଚଳାଚଳ ଦାବି କରି ଆଜି ଆନ୍ଦୋଳନକୁ ଓହ୍ଲାଇଛନ୍ତି ସ୍ଥାନୀୟ ଲୋକେ । ଏପଟେ ଭୁବନେଶ୍ବରରେ କେନ୍ଦ୍ରାପଡା ବିଜେଡି ବିଧାୟକମାନେ ମଧ୍ୟ ପ୍ରେସମିଟ୍ କରି ସମାନ ଦାବି ଦୋହରାଇଛନ୍ତି ।
ସେପଟେ ବିଜେଡିର ଏହି ଦାବିକୁ ନେଇ ଜବାବ ରଖିଛି ବିଜେପି । ବିଜେପି ମିଡିଆ ସେଲ ଅଧ୍ୟକ୍ଷ ଦିଲ୍ଲୀପ ମଲ୍ଲିକ କହିଛନ୍ତି, "ପ୍ରତି ବର୍ଷ ରେଳ ବଜେଟରେ ଓଡିଶାକୁ ମୋଦି ସରକାର ଆଶାଠାରୁ ଅଧିକ ଅର୍ଥ ଦେଇଛନ୍ତି । ଗତ ବଜେଟରେ ୧୦ ହଜାର କୋଟି ପର୍ଯ୍ୟନ୍ତ ଓଡ଼ିଶା ପାଇଁ ରେଳ ଅନୁଦାନ ମିଳିଛି । ଜମି ଅଧିଗ୍ରହଣ ହୋଇନଥିବାରୁ କାମ ମନ୍ଥର ହେଉଛି । କେନ୍ଦ୍ରାପଡ଼ାରେ ମୋଦି ସରକାରଙ୍କ ସମୟରେ ହିଁ ରେଳ କାମ ଆରମ୍ଭ ହୋଇ ସାରିଛି । ବହୁତ ଦିନ ପରେ ବିଜେଡିର ମନେ ପଡିଲା । କୋଭିଡ କାରଣରୁ ଯାତ୍ରୀବାହୀ ଟ୍ରେନ ଚଳାଚଳ ପ୍ରଭାବିତ ହୋଇଥିଲା । କେନ୍ଦ୍ର ସରକାର ଏହାକୁ ଗୁରୁତ୍ୱ ଦେଉଛନ୍ତି । ରାଜ୍ୟର ୨୨ ରେଳ ଷ୍ଟେସନକୁ ମଡେଲ ଷ୍ଟେସନ କରାଯିବ।"
ଆଗାମୀ ଦିନରେ କେନ୍ଦ୍ରାପଡ଼ାକୁ ଯେମିତି ହେଲେ ଯାତ୍ରୀବାହୀ ଟ୍ରେନ୍ ଚାଲିବ । ଯେହେତୁ ଟ୍ରେନ୍ ଚାଲିବ, ଏବେ ରାଜ୍ୟ ସରକାର ଖାଲି ଦାବି କରି ନାଁ ନେବାକୁ ଚାହୁଁଛନ୍ତି ବୋଲି ଦିଲ୍ଲୀପ ମଲ୍ଲିକ କହିଛନ୍ତି ।
ଇଟିଭି ଭାରତ, ଭୁବନେଶ୍ବର
