ଖୋର୍ଦ୍ଧା: ବୋଲଗଡ ବନଖଣ୍ଡ ଅନ୍ତର୍ଗତ କୋଟପଲ୍ଳା ଗ୍ରାମରେ ମଙ୍ଗଳବାର ଖୋର୍ଦ୍ଧା ଓ ବୋଲଗଡ ବନବିଭାଗ ପକ୍ଷରୁ ମିଳିତ ଚଢାଉ କରାଯାଇଛି । ସେଠାରୁ ଲକ୍ଷାଧିକ ଟଙ୍କାର ମୂଲ୍ୟବାନ ଶାଗୁଆନ କାଠ ଜବତ କରାଯାଇଛି।
କୌଣସି ସୂତ୍ରରୁ ଚୋରାକାଠ ମହଜୁଦ ଥିବା ସମ୍ପର୍କରେ ସୂଚନା ପାଇ ଖୋର୍ଦ୍ଧା ଡିଏଫ୍ଓ ସୁଦୀପ୍ତ କୁମାର ନାୟକଙ୍କ ନିର୍ଦ୍ଦେଶରେ ଚଢାଉ କରାଯାଇଛି । ବୋଲଗଡ ଫରେଷ୍ଟ ଅଫିସର ପ୍ରଦୀପ ପଟ୍ଟନାୟକଙ୍କ ନେତୃତ୍ବରେ ୧୬ ଜଣ କର୍ମଚାରୀ ଚଢାଉ କରିଥିଲେ। ଚଢାଉ ବେଳେ ମୋଟ ୨୫ ଖଣ୍ଡ ଶାଗୁଆନ କାଠ ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ବନବିଭାଗ ପକ୍ଷରୁ ଆକଳନ କରାଯାଇଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
