ଖୋର୍ଦ୍ଧା: ମାନବବାଦ ସଙ୍ଗଠନର କିଛି ସଦସ୍ୟଙ୍କ ଦ୍ବାରା ନିର୍ଯାତନାର ଶିକାର ହୋଇଥିବା କଡବ ଗାଁର ବାପାପୁଅ ମାଗୁଣୀ ଓ ଆନନ୍ଦଙ୍କ ଭିଡିଓ କିଛିଦିନ ତଳେ ଭାଇରାଲ ହୋଇଥିଲା । ଆଉ ଏନେଇ ମାଗୁଣି ବେଗୁନିଆ ଥାନାରେ ୭ଜଣଙ୍କ ନାମରେ ଥାନାରେ ଅଭିଯୋଗ କରିଥିଲେ ।
ଆଉ ଏହି ଅଭିଯୋଗ କ୍ରମେ ପୂର୍ବରୁ ସତ୍ୟବ୍ରତ ହତ୍ୟାକାଣ୍ଡ ମାମଲାରେ ଗିରଫ ହୋଇଥିବା ୬ଜଣଙ୍କ ନାମ ମାଗୁଣିଙ୍କୁ ଆକ୍ରମଣ ଘଟଣାରେ ଅନ୍ତର୍ଭୁକ୍ତ ଲାଗି ପୋଲିସ ଗତକାଲି କୋର୍ଟକୁ ଅନୁରୋଧ କରିଥିବା ନେଇ ଏସପି ରାଜକିଶୋର ଦୋରା ସୂଚନା ଦେଇଛନ୍ତି ।
ସେପଟେ ଏଥିସହିତ ସ୍ବପ୍ନେଶ୍ବର ନାୟକ, ବୈକୁଣ୍ଠ ନାୟକ ଓ କରଡ଼ଗାଡ଼ିଆ ଗ୍ରାମର ଟୁଲୁଙ୍କୁ ରିମାଣ୍ଡରେ ନେବାକୁ ପୋଲିସ ଆବେଦନ କରିଥିଲା । 3 ଦିନପାଇଁ ରିମାଣ୍ଡରେ ଏମାନଙ୍କୁ ନେବାପାଇଁ ପୋଲିସ ମାଗିଥିବା ବେଳେ ବୁଧବାର କୋର୍ଟ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି । ତେବେ ପୋଲିସ ଅଭିଯୁକ୍ତଙ୍କୁ ରିମାଣ୍ଡରେ ଆଣି ଏହି ଘଟଣାରେ ଅନ୍ୟ କେଉଁ ମାନେ ଏହି ଘଟଣାରେ ସମ୍ପୃକ୍ତ ଅଛନ୍ତି ତାହାର ପଚରାଉଚରା ଜାରି ରହିବ ବୋଲି ସୂଚନା ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
