ଖୋର୍ଦ୍ଧା: ଜିଲ୍ଲା ଚିଲିକା ବ୍ଲକ ବଡ଼କୁଳ ସେବା ସମବାୟ ସମିତି କାର୍ଯ୍ୟାଳୟ ସମ୍ମୁଖରେ ଚାଷୀ ଧାରଣାରେ ବସିଛନ୍ତି । ଦୀର୍ଘ ଦିନ ହେଲା ସରକାରଙ୍କ ବିଜ୍ଞାପନ ବାହାରି ସାରିଲାଣି । ହେଲେ ବଡ଼କୁଳ ଗ୍ରାମପଞ୍ଚାୟତ ଓ ଡୁଙ୍ଗମାଳ ଗ୍ରାମପଞ୍ଚାୟତର ଚାଷୀମାନଙ୍କ ଅମଳ ଧାନକୁ ବଡ଼କୁଳ ସମବାୟ ସମିତି ଧାନ କିଣୁନଥିବାରୁ ଚାଷୀମାନେ ହତାଶ ହୋଇ ସୋମବାର ଦିନ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ।
ଧାନ ନ କିଣିବାରୁ ସମବାୟ ସମିତି କାର୍ଯ୍ୟାଳୟ ସମ୍ମୁଖରେ ଚାଷୀଙ୍କ ଧାରଣା
ଯଦି ଆଗାମୀ ଦିନରେ ଚାଷୀ ମାନଙ୍କ ଧାନ ସରକାର ନକିଣନ୍ତି ତେବେ ସେମାନେ ରାଜରାସ୍ତା ଅବରୋଧ କରିବା ସହ ଆତ୍ମାହୂତି ଦେବେ ବୋଲି କହିଛନ୍ତି । ଘଟଣାସ୍ଥଳରେ ନାଭାଲ ଫାଣ୍ଡି ଅଧିକାରୀ ଓ ଚିଲିକା ଅତିରିକ୍ତ ତହସିଲଦାର ପହଞ୍ଚି ଚାଷୀଙ୍କୁ ବୁଝାସୁଝା କରିବା ପରେ ଚାଷୀ ମାନେ ଧାରଣାରୁ ଓହରିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
