ଖୋର୍ଦ୍ଧା: ରାଜ୍ୟର ଅନେକ ସ୍ଥାନରେ ମଣ୍ଡି ଅବ୍ୟବସ୍ଥାର ଚିତ୍ର ସାମ୍ନାକୁ ଆସିଛି । ସେହିଭଳି ଖୋର୍ଦ୍ଧା ବାଣପୁର ବ୍ଲକ ଦେଓଗାଁ ସମବାୟ ସମିତି ମଣ୍ଡିରେ ବ୍ୟାପକ ଅବ୍ୟବସ୍ଥା ନେଇ ଚାଷୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଆମରଣ ଅନଶନ କରିଛନ୍ତି । ମଣ୍ଡିରେ ଧାନ କଟନୀ ଛଟନୀ, ଚାଷୀଙ୍କ ଠାରୁ ମିଲର ଧାନ ନ ଉଠାଇବା ଭଳି ଅଭିଯୋଗ ହୋଇଛି । ଯାହାକୁ ପ୍ରତିବାଦ କରି ଚାଷୀମାନେ ଅନଶନକୁ ଓହ୍ଲାଇଛନ୍ତି ।
ମଣ୍ଡି ଅବ୍ୟବସ୍ଥା: ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଚାଷୀଙ୍କ ଅନଶନ
ପୂର୍ବରୁ ଏନେଇ ଚାଷୀମାନେ ବହୁବାର ଜିଲ୍ଲା ପ୍ରଶାସନ ଓ ସ୍ଥାନୀୟ ପ୍ରଶାସନକୁ ଜଣାଇଥିଲେ । ମାତ୍ର କୌଣସି ସୁଫଳ ପାଇନଥିଲେ । ଏଣୁ ଶେଷରେ ବାଧ୍ୟ ହୋଇ ସେମାନେ ଅନଶନ କରିଛନ୍ତି ଏବଂ ଦାବି ପୂରଣ ନ ହେବା ଯାଏଁ ଅନଶନ ଜାରି ରହିବ ବୋଲି ଚେତାବନୀ ଦେଇଛନ୍ତି । ଅନ୍ୟପଟେ ଚାଷୀଙ୍କ ସମସ୍ୟାର ତୁରନ୍ତ ସମାଧାନ କରାଯିବ ବୋଲି ଜିଲ୍ଲାପାଳ ଜଣାଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
