ଭୁବନେଶ୍ବର: ରାଜଭବନ ନିକଟରେ ଥିବା ଏକ ପେଟ୍ରୋଲ ପମ୍ପରେ ବିସ୍ଫୋରଣରେ ଭାଙ୍ଗିଲା ରାଜଭବନର ଝରକା କାଚ। ଝରକା ଭାଙ୍ଗିବା ସହ ଅନେକ କ୍ଷୟଯତି ହୋଇଛି । ଏଥିରେ କେହି ଆହତ ହୋଇନଥିବା ଜଣାପଡିଛି ।
ଆଜି ରାଜଭବନ ନିକଟରେ ଥିବା ଏକ ପେଟ୍ରୋଲ ପମ୍ପରେ ହଠାତ ମଧ୍ୟାହ୍ନ 1ଟାରେ ନିଆଁ ଲାଗିଯିବାରୁ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣ ପରେ ସ୍ଥାନୀୟ ଅଂଚଳରେ ଏକ ପ୍ରକାରର ଭୟର ବାତାବରଣ ସୃଷ୍ଟି ହୋଇଥିଲା । ପେଟ୍ରୋଲ ପମ୍ପର ଆଖପାଖ ଅଂଚଳରେ ଥିବା ଘର ଗୁଡିକରେ ବ୍ୟାପକ କ୍ଷୟକ୍ଷତି ହୋଇଥିବାବେଳେ ଅନେକ ମଧ୍ୟ ଗୁରୁତର ଆହତ ହୋଇଛନ୍ତି। ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣାସ୍ଥଳର ଅତି ନିକଟରେ ଥିବା ରାଜଭବନ ସୌଧ ମଧ୍ୟ ଏହି ବିସ୍ଫୋରଣର ପ୍ରଭାବରୁ ବାଦ ପଡିନଥିଲା । ରାଜଭବନରେ ଥିବା କାଚ ଝରକା ବିଶେଷ ଭାବେ କ୍ଷତିଗ୍ରସ୍ଥ ହୋଇଛି। ସେଥିମଧ୍ୟରୁ ଅନେକ ଭାଙ୍ଗିଯାଇଥିବା ଦେଖିବାକୁ ମିଳିଛି । ରାଜଭବନର କିଛି ଅଂଶରେ କାନ୍ଥର ଇଟା ମଧ୍ୟ ଭାଙ୍ଗିଥିବାର ଦେଖିବାକୁ ମିଳିଛି । ତେବେ କେଉଁ କାରଣ ପାଇଁ ନିଆଁ ଲାଗିଗଲା ତାହା ବର୍ତ୍ତମାନ ସୁଦ୍ଧା ଜଣା ପଡିନାହିଁ ।
ରାଜଧାନୀର ରାଜଭବନ ନିକଟରେ ଥିବା ପେଟ୍ରୋଲ ପମ୍ପରେ ହଠାତ ମଧ୍ୟାହ୍ନ 1ଟାରେ ବିସ୍ଫୋରଣ ହୋଇଥିଲା। ଏହାକୁ ନେଇ ସ୍ଥାନୀୟ ଅଞ୍ଚଳରେ ଏକ ପ୍ରକାରର ଭୟ ସୃଷ୍ଟି ହୋଇଛି । ପେଟ୍ରୋଲ ପମ୍ପର ଆଖପାଖ ଅଂଚଳରେ ଥିବା ଘର କ୍ଷୟ କ୍ଷତି ଘଟିଥିବା ବେଳେ ଅନେକ ମଧ୍ୟ ଗୁରୁତର ଆହତ ହୋଇଛନ୍ତି। ଏହା ଛଡା ଅତି ନିକଟରେ ଥିବା ରାଜଭବନ ଉପରେ ମଧ୍ୟ ବ୍ଲାଷ୍ଟର ପ୍ରଭାବ ପକାଇଥିଲା। ରାଜଭବନରେ ଥିବା ଘର ଓ ଝରକା ଉପରେ ପ୍ରଭାବ ପକାଇଥିଲା। ଯେଉଁଥିରେ ଅଧିକାଂଶ ଝରକାର କାଚ ଭାଙ୍ଗିଯାଇଛି । ଏବଂ ଇଟା ଭାଙ୍ଗି ମଧ୍ୟ ତଳେ ପଡିଛି । ରାଜଭବନରେ ମୁଖ୍ୟ ବୁଲଡିଂ ଓ କର୍ମଚାରୀଙ୍କ କ୍ବାଟର ଘରର ଅଳ୍ପ ବହୁତ ଭାଙ୍ଗିଥିବା ସୂଚନା ମିଳିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
