ଖୋର୍ଦ୍ଧା: ହାତୀ ନଷ୍ଟ କଲେ ଏକର ଏକର ଫସଲ । ବେଗୁନିଆରେ ଖାଦ୍ୟ ଅନ୍ବେଷଣରେ ଜଙ୍ଗଲୀ ଜନ୍ତୁ ଜନବସତି ମୁହାଁ ହେଉଥିବା ଦେଖାଦେଇଛି । ଗୋଟିଏ ପଟେ ଜଙ୍ଗଲ କ୍ଷୟ ଓ ଅନ୍ୟପଟେ କଂକ୍ରିଟ ଜଙ୍ଗଲ ଏହାର ମୁଖ୍ୟ କାରଣ ପାଲଟିଥିବା ପରିବେଶବିତମାନେ ମତ ଦେଇଛନ୍ତି ।
ଗତକାଲି ବିଳମ୍ବିତ ରାତିରେ ବେଗୁନିଆ ବ୍ଲକ ଅନ୍ତର୍ଗତ ହଜ ପଞ୍ଚାୟତର ନିଧିପୂର ଗ୍ରାମରେ ହାତୀ ପଲର ଆତଙ୍କ ଦେଖିବାକୁ ମିଳିଛି । ହାତୀ ପଲ ଗ୍ରାମରେ ପଶି ଶହ ଶହ ଏକର କାକୁଡି, ଭେଣ୍ଡି, କୋବି, ଟମାଟୋ ଆଦି ଫସଲ ନଷ୍ଟ କରିଥିବା ଚାଷୀ ସନ୍ତୋଷ ମାର୍ଥ କହିଛନ୍ତି । ସେହିପରି ଗ୍ରାମର ଶେଷଦେବ ଜୟସିଂ , ଗୋବିନ୍ଦ ନାୟକ, ସହଦେବ ମାର୍ଥା, ସୁକୁଟା ପଲେଇ, କାଳୁ ଭାରୀମଲ ଏବଂ ସୁଧାକର ମାର୍ଥା ବହୁ ପରିମାଣରେ ପନିପରିବା ଚଷ ନଷ୍ଟ ହୋଇଥିବା ଅଭିଯୋଗ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
