ଖୋର୍ଦ୍ଧା: ହାତୀ ଆକ୍ରମଣରେ ମହିଳା ମୃତ। ମୃତ ମହିଳା ଜଣକ ଖୋର୍ଦ୍ଧା ଜିଲ୍ଲା ଟାଙ୍ଗି ବ୍ଲକ ସୁନ୍ଦରପୁର ପଞ୍ଚାୟତ ଭଜାଗଡ଼ ଗାଁର ମୋତି ବେୱା। ନୟାଗଡ଼ ଜିଲ୍ଲା ରଣପୁର ବନାଞ୍ଚଳ ଅଧୀନ କେରେଣ୍ଡାଟାଙ୍ଗୀ ନିକଟରେ ହାତୀ ଆକ୍ରମଣରେ ମହିଳା ଜଣଙ୍କ ମୃତ୍ୟୁ ହୋଇଛି।
ଠାକୁର ଦର୍ଶନ ସାରି ଫେରିବା ବେଳେ ଦଳିଦେଲା ଦନ୍ତା,ମହିଳା ମୃତ
ସୂଚନା ଅନୁସାରେ, ମହିଳା ଜଣକ ମଙ୍ଗଳବାର ପାତାଳେଶ୍ବର ମନ୍ଦିରରେ ପୂଣ୍ଣାହୁତି ପାଇଁ ଠାକୁରଙ୍କ ଦର୍ଶନ କରିବାକୁ ଯାଇଥିଲେ। ସେଠାରୁ ଫେରିବା ସମୟରେ ହାତୀ ଆକ୍ରମଣର ଶିକାର ହୋଇଥିବା ଅନୁମାନ କରାଯାଉଛି।
ଦୀର୍ଘ ଦିନରୁ ଏଠାରେ ଏକ ହାତୀ ପଲ ବିଭିନ୍ନ ଫସଲ ନଷ୍ଟ କରୁଥିବା ବେଳେ ଜଙ୍ଗଲ ବିଭାଗ ସେମାନଙ୍କୁ ଘଉଡାଇବାରେ ବିଫଳ ହୋଇଛି। ଯେଉଁଥି ପାଇଁ ଆଜି ହାତୀ ମଣିଷ ଲଢ଼େଇ ଯୁଦ୍ଧରେ ବଳି ପଡିଛନ୍ତି ଜଣେ ମହିଳା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ
