ଖୋର୍ଦ୍ଧା: ଖୋର୍ଦ୍ଧାରେ ପୁଣି ମାତିଲେ ହାତୀ । କିଛି ଦିନ ତଳେ ହାତୀ ଆକ୍ରମଣରେ କାଜୁ ଜଙ୍ଗଲରେ କିଛି ଲୋକ ଆହତ ହୋଇଥିବା ବେଳେ ଆଜି ପୁଣି ହାତୀ ଆକ୍ରମଣ ରେ ଜଣେ ଗୁରୁତର ଆହତ ହୋଇଛନ୍ତି । ଶୁକ୍ରବାର ପୂର୍ବାହ୍ନରେ କାଇପଦର କାଜୁ ଜଙ୍ଗଲ ଘଟିଛି ଏହି ଘଟଣା। ଆହତ ଜଣକ ହେଲେ ସେହି ଗ୍ରାମର ରବିନ୍ଦ୍ର କୁମାର ଜେନା । ଗୁରୁତର ଅବସ୍ଥାରେ ତାଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଖୋର୍ଦ୍ଧା କାଜୁ ଜଙ୍ଗଲରେ ହାତୀ ଆକ୍ରମଣ
ମିଳିଥିବା ସୂଚନା ଅନୁଯାୟୀ ରବିନ୍ଦ୍ର କାଜୁ ଜଙ୍ଗଲ ରେ କାଜୁ ମଞ୍ଜି ସଂଗ୍ରହ କରୁଥିଲେ । ଏହି ସମୟରେ ହଠାତ ଜଙ୍ଗଲ ରୁ ଏକ ହାତୀ ଅତର୍କିତ ଭାବେ ଆକ୍ରମଣ କରିଥିଲା । ହାତୀ ଶୁଣ୍ଢରେ ତାଙ୍କୁ ଫୋପାଡି ଦେଇଥିଲା। ରବିନ୍ଦ୍ର ଗୁରୁତର ଭାବେ ଆହତ ହୋଇଥିବା ବେଳେ ତାଙ୍କ ବାମ ହାତରେ ଶକ୍ତ ଆଘାତ ଲାଗିଛି । ଏଥି ସହିତ ତାଙ୍କ ଅଣ୍ଡକୋଷ କ୍ଷତାକ୍ତ ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
