ଖୋର୍ଦ୍ଧା: ହାତୀ ଆକ୍ରମଣରେ ଜଣେ ମୃତ । ଖୋର୍ଦ୍ଧା ଟାଙ୍ଗି ବନଖଣ୍ଡ ଅଞ୍ଚଳରରେ ରାତିରେ ହାତୀ ଆକ୍ରମଣ କରିଛି । ଘଟଣାସ୍ଥଳରେ ବନବିଭାଗ ଏବଂ ନିରାକାରପୁର ପୋଲିସ ପହଞ୍ଚି ତଦନ୍ତ ଜାରି ରଖିଛନ୍ତି ।
ଖୋର୍ଦ୍ଧାରେ ହାତୀ ଆକ୍ରମଣ, ଜଣେ ମୃତ
ସୂଚନା ଅନୁଯାୟୀ ଖୋର୍ଦ୍ଧା ଜିଲ୍ଲା ଟାଙ୍ଗି ବନଖଣ୍ଡ ଅଞ୍ଚଳର ଲେଣ୍ଡୋ ଗ୍ରାମପଞ୍ଚାୟତ ସାମନ୍ତରାୟପୁର ଗ୍ରାମର ଜଣେ ବ୍ୟକ୍ତିଙ୍କୁ ହାତୀ ଦଳି ମାରିଦେଇଥିବା ଜଣାପଡିଛି । ମୃତକ ଜଣଙ୍କ ସାମନ୍ତରାୟପୁର ଗ୍ରାମର ବୀର ରାଉତ (୪୨) । ରାତିରେ ବୀର ଶୌଚ ପାଇଁ ଯାଇଥିବାବେଳେ ଜଙ୍ଗଲି ହାତୀ ଆକ୍ରମଣ ଶିକାର ହୋଇଥିଲେ । ଫଳରେ ଘଟଣା ସ୍ଥଳରେ ମୃତ୍ୟୁବରଣ କରିଥିଲେ । ହାତୀ ଆକ୍ରମଣରେ ମୃତ୍ୟୁ ଘଟିଥିବାରୁ ସାଧାରଣରେ ଉତ୍ତେଜନା ଦେଖାଦେଇଛି । ଘଟଣାସ୍ଥଳରେ ବନବିଭାଗ ଏବଂ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
