ଖୋର୍ଦ୍ଧା: ଓଡିଶା ଡ୍ରାଇଭର ମହାସଂଘ ଖୋର୍ଦ୍ଧା ଜିଲ୍ଲା ପକ୍ଷରୁ ବିଭିନ୍ନ ସମସ୍ଯା ନେଇ ଏକ ବିଶାଳ ବାଇକ ଶୋଭାଯାତ୍ରାରେ ନଗର ପରିକ୍ରମା କରି ଜିଲ୍ଲାପାଳ କାର୍ଯ୍ଯାଳୟ ଆଗରେ ବିକ୍ଷୋଭ କରାଯାଇଛି । ଏଥିସହିତ ଜିଲ୍ଲାପାଳଙ୍କୁ ଏକ ଦାବିପତ୍ର ମଧ୍ୟ ପ୍ରଦାନ କରାଯାଇଛି ।
ଦଶ ଦଫା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଡ୍ରାଇଭର ମହାସଂଘର ବିକ୍ଷୋଭ
ସମାଜରେ ଡ୍ରାଇଭରଙ୍କ ଜୀବନ ଜୀବିକା ସୁରକ୍ଷା, ଡ୍ରାଇଭର ସମାଜର ସୁରକ୍ଷା ପାଇଁ ଏକ ସ୍ୱତନ୍ତ୍ର ଆଇନ ପ୍ରଣୟନ, ପ୍ରତି ଶହେ କି.ମି ବ୍ୟବଧାନରେ ଡ୍ରାଇଭରଙ୍କ ପାଇଁ ପାର୍କିଂ ଓ ବିଶ୍ରାମ କକ୍ଷ ଏବଂ ଶୌଚାଳୟର ବ୍ୟବସ୍ଥା, ୫୫ବର୍ଷ ପରେ ପେନସନ, ଦୁର୍ଘଟଣାରେ ପ୍ରାଣ ହରାଉଥିବା ଡ୍ରାଇଭରଙ୍କ ପାଇଁ ୨୦ ଲକ୍ଷ ଟଙ୍କାର ବୀମାରାଶି ପ୍ରଦାନ ଆଦି ଦଶ ଦଫା ଦାବିପତ୍ର ପ୍ରଦନ କରାଯାଇଛି । ସରକାର ଗୁରୁତ୍ୱ ଦେଇ ଏହି ଦାବି ଗୁଡିକୁ ପୂରଣ ନକଲେ ଆଗାମୀ ଦିନରେ ନିଜ ବୃତ୍ତିରୁ ନିବୃତ ହେବେ ବୋଲି ସଂଘ ଚେତାବନୀ ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
